بسبب وعكتها الأخيرة.. منتج سينمائي يعترف: «أنا اللي عملت سحر لفيفي عبده»

قال المنتج السينمائي أحمد الزواوي: "عملت عمل للراقصة فيفي عبده علشان عليها فلوس ومش عايزه تدفعها وفيلم لعب العوالم متصورش بسببها".
وأضاف خلال مداخلة هاتفية ببرنامج "حضرة المواطن" المذاع عبر قناة "الحدث اليوم": "عملت عمل أقعد فيفي عبده، بيبقى في ايدينا حاجات بنستعملها لما يكون مش عارفين ناخد حقنا بالقانون وهي ليها علاقة بالفلك ومش أي حد يقدر يعملها".
وتابع:"ما قمت به مع فيفي عبده مجرد قرصة ودن، كان ليا مبلغ عند فيفي عبده مقدم فيلم قيمته 60 ألف جنيه في 2017 وانا بعد المحاولات معاها بقولها عايز الفلوس بقيمتها دلوقتي يعني لو المبلغ كان بيساوي 6 اَلاف دولار دلوقتي قيمته 10 اَلاف دولار وبس هو ده اللي أنا عايزه ومطلبتش زيادة عن حقي".
وأكد: "أنا معايا حارس من عندنا ربنا بيذلل ليا الصعوبات واستعملت الموضوع في أشياء تخصني ولكن مش في ضرر أو أذى الناس، وبيسهلولي الصعاب بأمر الله، وده له علاقة بالفلك مش بالسحر".
في وقت سابق، وجهت النجمة الاستعراضية فيفي عبده رسالة غامضة، لشخص مجهول، قائلة: "أرجو منك تفك لى العمل، أنا متأكدة إني معمول ليا عمل إني متحركش من السرير".
وتابعت فى لقاء مع et بالعربي: "الحسد بقى حاجة صعبة معايا وزاد عليها أعمال بتخليني أمرض باستمرار، وبطلب من اللي عمله ليا يفكه لأن كدة حرام وصعب استحمل كل ده".
اقرأ أيضاً - رامي صبري ينتصر| يوتيوب يعيد أغنية «يمكن خير» بعد التأكد من ملكيتها