اختارت قناة "ام بى سي" مصر قصيدة الشاعر محمود رضوان "حفلة منير" ضمن فيلم تسجيلي انتهت القناة من إنتاجه في إطار تكريم النجم محمد منير بعنوان "مشوار اسمه حياه" من تأليف محمد حلمي وإخراج محمد اسامه. يعرض الفيلم ضمن فعليات تكريم القناة للملك محمد منير ر خلال الفترة القادمة. يذكر أن القصيدة نشرت في ديوان الشاعر محمود رضوان الذي صدر مؤخرا بعنوان " إيجار جديد"، وكان رضوان قد كتبها تكريما لمنير، وتعبيرا عن اشتياق جمهوره الكبير لحفلاته في دار الأوبرا التي تكرر منعها من قبل الجهات الأمنية قبل الثورة لأكثر من مرة. كما سبق لرضوان أن تعامل مع منير في واحدة من أهم أغنياته في الفترة الماضية، وهى أغنية بننجرح التي غناها منير في الألبوم" أمبارح كان عمري عشرين". الفيلم يتناول الجانب الإنساني في حياة منير من خلال لقاءات مع محيطه العائلي والاجتماعي ..بالإضافة للقاءات مع فنانين عايشو منير إلا إن تلك اللقاءات محدودة للغاية، ويحمل الفيلم اسم "منير..مشوار اسمه حياة". ويقول محمد رضوان في قصيدته "حفلةمنير". باستسمحك فى كمان شوية غنا كمان شوية فرح كمان شوية صبر مستنينك من سنة وانا زى كل الموجدين جاى أسمعك عايزك تقول كل اللى جواك كل اللى ممكن يفرحك .. كل اللى ممكن يوجعك ما انت هنا واحنا هنا وانا زى كل الموجودين المضروبين بالوجد والنشوة وافعال الحنين جاى اسمعك قول.. وعلى صوتك بالغنا شوف اد ايه فيه ناس كتير بتشجعك ؟ واد ايه ناس تسمعك ؟ ايه اللى ممكن يمنعك توصلنا ؟ وانت هنا واحنا هنا وكمان بتسكن قلبنا وغناك بيسكن عمرنا قول.. وعلى صوتك بالغنا " مين اللى يقدر يعشقك قدى انا " قولها لحبيبتك ومعاك نردد كلنا قول إننا لسانا عشاق النهار وان البلد دى لسة بتشوف النهار رغم المتاعب ، والألم ، رغم المرار لسانا سهيرة ليالى .. فاتحين زراير القمصان ورغم دوران الرحاية لسة بنكره القضبان مستنين الشمس لما تعدى قدام كل دار قول.. وعلى صوتك بالكلام فى الحضرة كان عبد الرحيم منصور واقف يبشر بالحقيقة والميلاد انا شفته رغم ان كان بينى وبينه زحام .. بلاد والله كان فرحان وكان بيسمع " رزقنا " وطربان وكأنه قال الحقيقة قبل الزمان بزمان ياناس ياناس ياشقيانة دا الرزق ع الرحمن قول .. وغنى حتى بننجرح هنقول معاك قول ياملك وافتح لنا الشباك