د. أوعاد الدسوقي عبدة صنم «إله الثورة» المعروفين مجازاً في الشارع ب النشطاء و الحقوقيين عاملين حفلة هري و تقطيع علي "الفيس بوك /توتير" ضد سيادة الفريق أول «عبد الفتاح السيسي» مرة عن طريق نشر صور ساخرة ومرة بكتابة تويتات فيها إتهام له ب الحنث في وعده وعدم احترام كلمته وعبارات أخري مبتذلة رخيصة وده كله ليه؟ علشان فيه أخبار بتقول أن « السيسي» هيترشح للإنتخابات الرئاسية اللي جاية وعنها يا سيدي أتجننوا ونار الغير قادت و الهطل اشتغل ,, و كل واحد منهم عمل نفسه أبو العريف و أن هو الواد الوحيد الفهيم , فمنهم اللي قال«السيسي» مينفعش رئيس علشان «عسكري» واللي قال كفاية عليه يكون بطل شعبي,, واللي حلف باليمين أنه خايف عليه ل تصيبه لعنة الرئاسة ,,, وغيرها من الهلفطة اللي ملهاش معني غير في قاموس بعض اليانرجية. حضرة «الناشط» عايز «السيسي» بطل شعبي و مالوا يا خويا مش عيب هو أحنا في ده اليوم!! وعلي فكرة ممكن كمان نجيبه و نحطه جوه « فاترينة» في قلب ميدان التحرير و نعمل زيارته بتذاكر أو نعمل له مقام وضريح ويبقي سيدي «عبدالفتاح الشعبي» و مصر تولع مفيش مشكلة المهم تكونوا يا حبايبي مبسوطين!!. ولو مش عايزين رئيس عسكري ,, بلاش عسكري ,, أمشي يا عسكري ,, النشطاء مش عايزينك ,, أصلهم لما بيشوفوا « بدلة» عسكرية بيحصلهم إلتهاب مزمن في ال( ؟؟؟؟ ) لأنهم بيفتكروا فشلهم في تحقيق حلم الطفولة أن يكونوا ضباط ,, ومع ذلك لو شايف« السيسي» وحش طينة و مينفعش ,, وحارق دمك قوي التفاف الشعب حوله خلاص قول لنا مين في كل النخب السياسية الموجودة علي الساحة ينفع يكون بديل له؟ هات « دكر» مدني واحد في بر مصر ينفع رئيس حتي ولو عنده خمُس ما يملكه «السيسي» من كاريزما وحكمة ورجولة و وطنية وقدرة علي مواجهة الشدائد؟ فين «الدكر» اللي يقدر يتحمل مسؤولية بلد مهلهل اجتماعيا و سياسيا و اقتصاديا وفي نفس الوقت يشيل روحه علي كفه ويقف في وجه الصهيونية العالمية اللي نفسها تنهش مصر ,, لو فيه « دكر» عند النخبة يمتلك إستراتيجية لتنفيذ مشاريع قومية و لديه رؤية في التعامل مع المؤسسات و حنكة في إدارة الأزمات ,, منضبط سلوكياً ملتزم أخلاقياً صاحب يد شريفة ,,قوي في الحق أمين علي الثروات ,, لا بياخد « ربع» مرتبات أو عمولات من صفقات شلته ,, ولا بيلهف خير البلد في كرش حضرته ,, حر جرئ في قراراته لا يهاب كيانات كبرى ولا يخضع لإبتزاز أحزاب أو جماعات ,, ياريت يشاوروا بس عليه و أحنا من عنينا ه ننتخبه رئيس ,,, لكن للأسف واثقين أن مفيش بينكم شخصية تنفع للرئاسة لأن أنتم بتوع شعارات و تنظير إنما تطرحوا حلول و بدائل طبعا لا!! الرئيس اللي بنحلم بيه يا سادة لسه متعملش منه نسخ «مدنية» الموجود فقط نسخة أصلية داخل المؤسسة العسكرية. علشان كدة يا عم «النخبوي الناشط» من فضلك ريح روحك و ريحنا و كفاياك مكابرة وشذوذ عن الإجماع الشعبي ,ضم علي أهلك وحط عقل الناس في راسك و أفهم يا حزين يا واكل ناسك أن حتي لو « السيسي» أترشح مش علشان هو عايز كده أو أنه طمعان في منصب أو سلطة لكن هيعمل ده نزولاً علي الإرادة الشعبية ورضوخاً للمصلحة الوطنية و استجابة لنداءات الجماهير التي تطالبه بمواصلة المسيرة لإنقاذ الوطن من المؤامرات و أن يعبر بالبلد النفق المظلم اللي حضرتك و زملائك من نشطاء عصر الليمون دخلتونا فيه لما اخترتوا لحكم مصر تنظيم إرهابي و رئيس متخابر معدوم الكفاءة و الوطنية بحجة أنه مدني! ,, أرحمونا من الفذلكة و التنطيط و كفاية الحيطة اللي لبستوا مصر فيها ياريت تحطوا ( ؟؟؟؟) قديمة في بؤكم وتسكتوا ساكتين ,, مش عايزين نسمع لكم صوت لأن لا صوت يعلو فوق صوت «مصر» التي تنادي هل من مغيث يصلح ما أفسده نشطاء الغبرة؟.
