لأن الشتيمة في الشارع أصبحت أكتر من كلمة صباح الخير..23.617 فردا قرروا الاشتراك في هذه الصفحة في محاولة للحد من الشتائم التي أصبحت شيئا اعتياديا في الشارع المصري. فكتبت نسرين الاسمر' للاسف انا مدرسة علم نفس في مدرسة ثانوي مشتركة حكومي الشتيمة فيها زي المية والهوا متقدروش تحسوا بضياع مصر لو مشفتوش الحالة اللي وصل ليها البنات والشباب الصغار من تدني وانعدام الاخلاق والحياء والله مهازل بروح حزينة علي حال البلد قال تطوير تعليم والله اللي اتغير في الكتاب الجلدة فقط' ويرد عليها رامي رضا فيقول' والله اللي عايز يتغير احنا مش التعليم.. التربيه مش المناهج.. اولياء الامور مش التلاميذ' أما يوحنا جرجس فيقول:' لأن الأهل والجيران( المصادر الأولي للمعرفة لدي الإنسان) بيشتموا لذلك تنمو الشتيمة مع النمو الطبيعي للإنسان.'.. ويعلق شهاب نجم قائلا' طب ماهو زي مافيه ناس بتقول مش هنشتم وعندهم رساله وهدف معين.. ف حاجات مضاده لذلك... زي مثلا الاعلام الآن... الشتايم ابتدت تظهر بشكل كبير في الافلام بالذات الافلام اللي نازله السنة دي..مش عارف الرقابه راحت فين... وكمان ده كفايا عم انور بتاع حمله ميلودي... بجد كل ده بيشجع ع الشتايم.. وبالتالي مهما تقولوا انتوا مش هيأثر اوي زي ما الاعلام بيأثر. وتختم أمل سالم بقولها' الناس بقت صعبة اوي ومحدش طايق حد ولا طايق نفسه اساسا بس برضه لازم نحاول.