تكتظ محاكم الأسرة بالعديد من القصص والروايات باختلاف الأسباب والدوافع منها المثير والطريف لذلك رصدت أهل مصر أهم هذة القضايا فى أسبوع هويدا تطلب الطلاق: جوزي بيقول اسم سلفتي وهو نايم "مش بيبطل كلام عليها طوال اليوم، وبيكلمها فى التليفون من ورايا أنا وأخوه وبالليل على النت، والله أعلم بيعملوا إيه من ورايا. أنا ما بقيتش حاسة بالأمان مع واحد بيخون أخوه ابن أمه وأبوه". جاءت هذه الكلمات على لسان هويدا وهى داخل جدران محكمة الأسرة بشمال الجيزة؛ لرفع دعوى طلاق من زوجها بعد ثلاث سنوات ونصف من الزواج. إيمان تطلب الخلع: جوزي بيجيب الأكل يصوره ويرجعه تاني أقامت إيمان دعوى قضائية أمام محكمة الأسرة بمدينة نصر لرفع دعوى خلع من زوجها بعد 8 أشهر من الزواج، مبررة ذلك بقولها: "جوزى بخيل وبيحب يتباهى قدام الناس، فكان يجيب الخضار واللحوم والعصاير يحطهم فى التلاجة يصورهم، وياخدهم ما اعرفش بيروح بيهم فين، وبيدِّينى 10جنيه مصروف كل 3 أيام لحد ما جالى أنيميا من قلة الأكل". لبنى تطلب الخلع: جوزي ما هانش عليه يحضنني وأنا باترعش "بابقى نايمة جنبه وباترعش من التعب والسخونة.. ما هانش عليه يقول لى ما لك؟ أو حتى ياخدنى في حضنه.. فضل يشخَّر ولا هامُّه، وكأن اللي نايمه معاه على السرير حيوانة".. جاءت هذه الكلمات على لسان لبنى وهى داخل محكمة الأسرة بمدينة نصر؛ لرفع دعوى خلع من زوجها بعد عام و4 شهور من الزواج، مبررة ذلك باستحالة العشرة معه. مأساة شادية مع زوجها: "يعاملني كالعاهرات، ورميت نفسي من البلكونة علشان ارتاح منه" "منه لله.. على طول ضرب وإهانة وشتيمة بسبب ومن غير سبب، وكأنى جارية اشتراها من سوق العبيد.. رفع عليَّ السكنية وعورنى بيها، وبيجرى ورايا عشان يقتلنى. رحت رميت نفسي من البلكونة عشان أموت وأرتاح منه، ولكن اتكسرت إيدي ورجلى بس". جاءت هذه الكلمات على لسان شادية وهى داخل محكمة الأسرة بزنانيرى تتكئ على عكاز؛ لرفع دعوى طلاق من زوجها بعد 3 أعوام من الزواج. حسن لقاضي الأسرة: عندي 3 أولاد واكتشفت أني عقيم يجلس حسن على سلالم محكمة الأسرة بزنانيرى وهو يحمل الكثير من أوراق التحاليل، ويبدو على وجهه الحزن الشديد، وأنه لقى طعنة من أقرب الناس إليه، حيث جاء إلى محكمة الأسرة لرفع دعوى تطليق ضد زوجته بعد أن جن جنونه عندما اكتشف أنه عقيم، ولا يستطيع الإنجاب ولديه ثلاثة أطفال من زوجته والتى كان يثق بها، وجعلها تقاسمه الحياة. وصلته صورها عارية.. بسام يستقبل فضائح زوجته الجنسية في شهر العسل ويرفع دعوى تطليق أقام بسام دعوى قضائية أمام محكمة الأسرة بمصر الجديدة، لتطليق زوجته بعد شهر واحد من الزواج، مبررًا ذلك بقوله: "فجأة وصلتنى صور من أكاونت على فيس بوك لمراتى وهى عريانة، وصور تانية وهى لابسة حمالات، وكل دا فى شهر العسل، أُمَّال لو كملنا سنة كانت هتعمل أكتر من كده إيه؟ منها لله خلتنى فقدت الثقة بكل الستات".
