رايحيين إلى الصندوق غاويين هواك يا بلادى حابين تكونى فوق كايديين بيك الأعادى ------- يا مصر يا عالية يا أمنا الغالية يا معششة فؤادى أفديكى يا حلوة يا أحلى من الغنوة بروحى بولادى ------ من بدرى حنصوت للى حيستاهل حواليكى حَنحَوَط نحميكى م الجاهل ------ وكفاية اللى راح سنين أنين وجراح فى نَفسى وف قلبى نِفسى بقى نرتاح -------- يا مصر يا بلادى من عصر أجدادى معرفتش الصندوق ولا هو كان راضى كان بينا ياما فروق وضباب مهوش عادى ------- باقى يا دوب ساعات ونقفل الحكايات على مين مش عارفين تتعلق النظرات حنعلق الصورة ع الحيطة مبهورة!! أو آيه م الآيات -------- يا رب سهلها للى يهللها اتشد يا حيلها بولادها وبنيلها بتاريخها بزويلها بشمسها بخيرها فوق منبر الأزهر وكنايس الأقباط ------ الله عليه لو فات الشهر ده بسلام حترجع الضحكات ونحقق الأحلام يهدى بقى بالنا بخيرنا وبمالنا وحلاوة الصلوات