قالت الفنانة أيتن عامر، إن بعض الأفلام والمسلسلات التي تعتمد على الجرافيك، قد تكون الفكرة متواضعة وتنفيذها متواضع، ولكن الفكرة الرئيسية هي التي تجذب الناس. وأضافت خلال لقاء مع النجم أمير كرارة ببرنامج "سهرانين" الذي يذاع على قناة "on": "قد يكون الجرافيك عندنا في مصر، مش في نفس مستوى الجرافيك برة، لكن لو ركزنا في المحتوى اللي بيتقدم للأطفال وحبوه، ده هيكون عنصر الجذب لهم ومش الجودة بتاعت الجرافيك". وعلقت أيتن عامر على الوقت الذي تقضيه مع أطفالها، فقالت: "أنا عادة مش بحب الخروج من الأساس، وأصحابي كل واحدة فيهم متجوزة في مكان، ولقائاتنا بعد الجواز قلت، فتقريبا كل وقت فراغي قاعدة في البيت، وأنا في السنة كلها ممكن أصور 23 أو 30 يوم بالكتير أوي وباقي السنة قاعدة في البيت". وقالت: "أنا عندي بنتي أيتن، أنا بالنسبة لها سمر الملقبة بأيتن، إنما هي أيتن الحقيقية، أنا من يوم ما اتولدت وأنا أيتن، لكن بابا وجت في راسه أنه يسميني سمر، مش عارفة عمل كدة ليه، بس الدنيا كلها بتقولي يا أيتن".
