سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الرقمنة هى المستقبل.. الرئيس السيسي خلال زيارته جامعة كفر الشيخ: نحتاج مشاركة شباب كلية الذكاء الاصطناعى ببناء نظم المدن الذكية..والرقمنة مستقبل الدنيا..وللطلبة: لما تخصلوا هتلاقوا فرصة في مصر والمنطقة والعالم
** وزير التعليم العالى: إنشاء مستشفى ضخم للطوارئ وآخر للأورام فى كفر الشيخ ** خالد عبدالغفار: تحسن ترتيب مصر في مؤشر المعرفة ** خالد عبدالغفار: حصلنا على المركز ال 53 على مستوى 154 دولة للعام الحالي والمركز الأول إفريقيا ** خالد عبدالغفار: ميكنة معظم الاختبارات الالكترونية فى كل الجامعات والمستشفيات الجامعية العام المقبل
وجه الرئيس عبدالفتاح السيسي الشكر لكورال جامعة حلوان بقيادة الدكتور أحمد عواد، وقال الرئيس السيسي لفريق الكورال خلال زيارته لجامعة كفر الشيخ: "متمشوش إلا لما اشكركم فعلا .. أنا بحييكم والله وقد ايه اسعدتونا وادتونا امل كبير قوي ..ده إحنا عندنا حاجة عظيمة جدا.. والجامعات مليانة مواهب جميلة ورائعة انا بشكركم شكرا جزيلا".
وأضاف الرئيس السيسي: "احنا محتاجين من كل الجامعات بتاعتنا المواهب اللى زي كده ومن كل الفنون والأنشطة ونقدمهم للناس ولنفسينا ونؤكد للمصريين إن احنا عندنا بسم الله ما شاء الله فيه كتير قوي.. بس الفرصة وبعدين حاجة راقية ورائعة اتصور ان احنا محتاجين معرفش الدكتور خالد والدكتور مصطفى في المسرح او مدينة الثقافة والفنون على ان ندي للجامعة على الأقل يوم تيجي ونتفرج والكلام ده مش احنا بس نتفرج عليه دا يوم الناس كلها في مصر تشوفه مش ممكن يكون 100 مليون افضل حاجة في كل حاجة... "النهاردة ادتوني أمل كبير قوى.. متشكر قوى.. شكرا ".
وشاهد الرئيس السيسي فيلمًا تسجيليًا بعنوان "الجمهورية الجديدة بالعلم يكتمل الإنجاز"، واستمع إلى فقرة فنية لكورال جامعة حلوان بقيادة الدكتور أحمد عواد، كما استمع إلى فقرة إنشادية للمنشد محمد فريد حسن الطالب بجامعة قناة السويس، واستجاب الرئيس السيسي لطلبه وتوقف لمصافحته. وحرص الرئيس عبدالفتاح السيسي، على حضور جانب من إحدى المحاضرات بكلية الذكاء الاصطناعي بجامعة كفر الشيخ.
وقال الرئيس السيسي، للطلبة ان ما تدرسونه هو المستقبل كله وكل الكلام والتطبيقات والأفكار ممكن تعملوها، وعلشان كده مخترناش كلية الذكاء الاصطناعي وكل ما يتعلق بالرقمنة هو مستقبل الدنيا مش مصر، وفكرة العمل فقط هو اللى في دماغنا ، لكن مع معارفكم وكل اللى طالعين في التعليم بان هذا النوع من التعليم هو الفرصة الحقيقية لكل شبابنا وشابتنا، وسعيد بكل اللى بيحصل ده".
أضاف الرئيس عبدالفتاح السيسي، :"نحتاج شباب كلية الذكاء الاصطناعي ليشاركوا معانا في بناء نُظم المدن الذكية..والمدن الذكية اللى احنا بنعملها بالكامل نحتاج الشباب في حاجتين اول حاجة في بناء النظام ثم صيانة وتشغيل النظام واستمراره، وده مطلب مني ليكم، ونحتاج لعمل زيارات للطلبة للمدن، وتشوفوا الدنيا فيها ايه تاخدوا فكرة لان عقبال ما تتخرجوا هنبقى فعلا الشركات اللى هتقوم بعملية التشغيل والصيانة هتبقا محتاجة شباب زيكم".
وأضاف الرئيس السيسي موجها حديثه لطلبة كلية الذكاء الاصطناعي بجامعة كفر الشيخ: "بنوجه رسالة الى كل من يتقدم الى الجامعة ، هناك جامعات وكليات كتيرة جدا فيها حجم من الكليات التي تضم علوم حديثة، وبقول من خلال الزيارة في كلية الذكاء الاصطناعي، أوعوا تتردوا فى دخول هذا المجال، حتى لو كان الاسم غريب عليكم انا بتكلم عن الولاد اللى في التعليم العام دلوقتي ومحتمل يكون عندهم فرصة بعد الثانوية العامة اوعوا تترددوا ومتخفوش لان اللى احنا بندرسه وجايبينوا هو المستقبل كله، عقبال لما هتخلص 4 سنين 5 اللى بتدرسهم هتجد الفرصة موجودة في مصر والمنطقة المحيطة بينا والعالم، ونحاول ان نقفز على التأخير والعلوم اللى مدخلناش فيها.
من جانبه، قال الدكتور خالد عبدالغفار وزير التعليم العالى والبحث العلمي، إن جامعة كفر الشيخ تخرج سنويًا نحو 12 ألف طالب، وبها 11 ألف طالب دراسات عليا، فضلا عن الطلبة الوافدين، مشيرًا إلى أن الجامعة حققت مراكز متقدمة فى البحث العلمى مثل العلوم البيطرية والزراعية.
وأضاف وزير التعليم العالى، خلال كلمته بمحافظة كفر الشيخ بحضور الرئيس السيسي، أنه تمت إضافة تخصصات جديدة بالجامعة تشمل وظائف المستقبل مثل كلية الذكاء الاصطناعي وكلية العلوم التكنولوجيا "النانو"، وكلية للعلوم والاستزراع السمكي، مضيفا: "استطعنا التوسع في القطاع الصحي سواء الطب البشري والتمريض والأسنان والتمريض"، حيث تقدم الجامعة رعاية صحية على مستوى 3 محافظات في نطاق حدود المحافظة.
وأشار الوزير إلى أن الجامعة تجرى جراحات متقدمة وتشمل المستشفى الخاص بها أكثر من 400 سرير و13 غرفة عمليات بنظام الكبسولات، معلقا: "لا يوجد داع لسفر أى مواطن حتى يتلقى العلاج"، مشيدا بدعم الحكومة والدولة لتحقيق خدمات تعليمية وبحثية وصحية متميزة جدا في كفر الشيخ".
ونوه "عبدالغفار" بإضافة مستشفى ضخم للطوارئ تشمل 650 سريرا، كاشفا عن الانتهاء من 50 % من هذه المستشفى، مؤكدا أن ذلك جاء بناء علي توفير دعم كبير من موازنة الدولة للانتهاء من إنشاء المستشفى.
كما كشف عن إنشاء مستشفى للأورام، حيث تم تنفيذ 60 % منها، متابعا: "نطمح أن يتم الانتهاء منها في غضون ال 6 اشهر المقبلة"، فضلا عن مبني العيادات الخارجية التي تعد إضافة جديدة للمحافظة".
وكشف وزير التعليم العالى، عن تحسن ترتيب مصر في مؤشر المعرفة ، حيث حصلت على المركز ال 53 على مستوى 154 دولة للعام الحالي والمركز الأول إفريقيا.، كاشفا أيضا عن أن هناك جامعات تتعامل بالميكنة الإلكترونية، و أن هناك 7 مليارات جنيه، لميكنة المستشفيات، وأنه فى خلال العام القادم سيتم ميكنة معظم الاختبارات الالكترونية فى كل الجامعات والمستشفيات الجامعية.
