كان صوتنا مكتوم، ولو اتكلمت تصبح مقتول المصرى بره جواز سفره بيداس عليه بالجزم (ما هو إنت أصلا بتتعامل فى بلدك كده فاسكت بقى واتكتم) كان طموحنا إننا نهج من بلدنا نروح أمريكا أو كندا أو حتى فنلندا يا إما تفضل هنا وتموت مفقووع ما هو إنت أصلا حتفضل فى الفقر منقووع دراعك بيتلوى، وضميرك بيتكوى راسك بتتفرم، وجيوبك بتتخرم حلنى بقى عقبال ما تلاقى شغلانة ولا حتى حتعرف تعالج أمك العيانة ولو ودتها التأمين يبقى حتموت..حتموت و اللى بيتعالجوا على حساب الدولة، دول بس اللى معاهم البنكنوت ولا عيالك حيبقى ليهم مستقبل ولا نيلة ما هما مالهومش ضهر، وما باليد حيلة أحسنلك تمشى جنب الحيطة هما بيحبوك عبيط كده و(بيطة) هما بس فاضيين يستفوا فى المليارات و يتكتكوا ويكتبوا خطط فى الكراسات تبقى جميل وتقعد تمجد فى الفرعون وتلزق كلامهم فى مخك بالكربون.....
