انتى رايحه فين يابلد اوعى من تاني يتوهوكي وفى طريق نهايته نهايتك يودوكى وساعتها ولادك الطيبين من تانى حيسندوكي وعلى رجليكي يوقفوكى عشان تفضلى زى ماكنتى دايما قويه وابيه وفى عيون الكل انتي البهيه وخللى بالك من ولادك الخاينين اللى عاملين ليكي عاشقين وكل صبح يبوسو ايديكي ومش بعيد يزودوها ويوطو على رجليكى ويبسوها وقال ايه بيخافو عليكى وهما فى فى كل ثانيه بيسرقوكى ولعدوك بيبعوكي أرضك باعوها واعراضك دنسوها حتى سماحتك وطيابتك بيسرقوها وقال ايه بيحبوكى مع انك بالنسبه ليهم مصلحه مايهمهومش اذا كنتى جايه ولامروحه وقال ايه بيحبوكي اه يا بلد اوعى تنسى ولادك اللى بدمهم فدوكي وراح عمرهم عشان يحموكي ومن ولاد الكلب ينضفوكي من اللى عاملين فلول وقال ايه بيحبوكي وهما فى ظهرك بيطعنوكي نيلك بيلوثوه وارثك بيضيعوه و شبابك من تانى عايزين يكمموه وبالفتنه يسمموه وقال ايه بيحبوكى انتى رايحه فين يابلد اوعى تمشى وتسبينا احنا ارواحنا فداكي مستعدين نموت بس من تانى نسمع غناكي مانتى لينا الدوا والزاد والميه اما هما مش فارقه معاهم ميتك ماتروي ظماهم وزادك ماهو على هواهم ميتهم معدنيه واكلهم من مطاعم امريكيه وقال ايه بيحبوكي وسهرانين الليل يراعوكى وهما كل ثانيه بيطعنوكي دفنو ولادك الطيبين وكبروالفاشلين وموتو الصاحين وصحو الميتين وقال ايه بيحبوكي ومش هاين عليهم يسبوكي لينا شويه ننام فى حضنك وندفى يمكن نقدر نعدل الكفه ولايام العز نرجعوكي اه يابلد خايف عليكى من ولادك العاقين اللى لاوطن ليهم ولادين أهم حاجه عندهم يرضو الامريكان واليهود حتى لو على حساب ارثنا وارث الجدود ولا حتى على حساب دينا ورب الوجود هما دول الفلول وهما اللى عاملين بيحبوكى حذرتك منهم ويا خوفى لياخدونى وياخدوكى لسكه مفيهاش رجوع بس حتى لو داه حصل حنلاقى ولادك الطيبين يقلولك ويقلولى انتى رايحه فين يابلد اوعى يتوهوكي خواطر/محمد الحناوي