لو بيت أبوك خرب = اجرى خدلك منه قالب والوطن دمه بينزف = والفئات عايزين مطالب والفلول عايزه تعود = قاعدة تصنع فى المقالب والكل بيقول بس نفسى = والذئاب رافعة المخالب واللى غيَّر جلد توبه = ساب شريكه بمالنا هارب واللى راسم حلم ذاته = والفيران صبحت تعالب والوطن أصبح غنيمة = واللى خاين ليه مآرب نفسه البلد تصبح خراب = نفسه تبقى حقول تجارِب واللى كان ينهب ويسرق = جاى يقول لفساد هحارب واللى زارع شوك وفتنة = واللى بيربى العقارب واللى لابس ميت قناع = حاطط سموم جوا المشارب نفسه مصر فى يوم تتوه = والكل يبقى لفوضى جالب دا الوطن مجروح بيصرخ = والجو غيم مليان كهارب والأعادى قاعده ترصد = عايزه الشموس تصبح مغارب بس الوطن رايح يعيش = والفلول دى صفر سالب والوطن لو مُوجُه يعلى = أرواحنا تبقى ألف قارب دا الوطن طاهر ترابه = والله لكل الشر غالب