قالت النجمة نيللي كريم، إن مسلسل "سجن النسا" تناول قضايا المرأة المقهورة واللي مضطرة تتحمل حاجات كتير، ومن خلال السجن بتشوفي ستات عملوا جرائم، لنتيجة الحياة القاسية والظروف اللي عاشوها، وده بسبب الجهل وعدم الثقافة. وأضافت خلال الجلسة النقاشية لدور السينما لمواجهة مخاطر الاتجار بالبشر في مهرجان القاهرة السينمائي: أنا كل اللي في تفكيري أني بعمل شخصية غالية في المسلسل مش قضية معينة، وكمان كل واحد له قصة وحكاية، بس المسلسل في الآخر بتتفرج علي قصة واقعية ودي حلاوة الفن أنه بيعيشك في القصة، ولو أنت حابب أوي بتقعد تفكر إيه حصل وحصل ليه وتدور علي حلول.
وقال النجم آسر ياسين خلال الجلسة، بنحاول نعمل فرق حقيقى ونساعد عشان مؤمن بيها عشان عندى أولاد وعاوز ولادى وأولاد أولادى يساعدوا المستضعفين والضحايا وده دورنا ".
وأضافت النجمة نيللى كريم: من عشر سنين كنت مهتمه أوى بأولاد الشوارع و ليل و نهار بدور على فيس بوك عشان نرجعهم لأهلهم و تعمقت لقيت الموضوع صعب أوى ولازم دعم جميع الجهات وقد ايه مهم التوعية و أن الواحد يكون مثقف عشان يعرف يروح فين و يتكلم مع مين للمساعدة"
اسر ياسين نيللي كريم الاتجار بالبشر مهرجان القاهرة مهرجان القاهرة السينمائي الاتحار بالبشر الموضوعات المتعلقة نيللى كريم وآسر ياسين يرقصان على أغنية "مليونير" فى أحدث ظهور.. فيديو وصور الجمعة، 04 ديسمبر 2020 03:39 م نيللى كريم: كفاية تنمر وتجريح فى الناس وعلموا ولادكم الرحمة وتقبل الآخر الأربعاء، 02 ديسمبر 2020 02:22 م نيللى كريم فى أحدث صور جديدة لها بالأبيض والأسود الخميس، 19 نوفمبر 2020 12:59 م نيللى كريم تبدأ تصوير مسلسلها الرمضانى "دهب" بعد انتهائها من "العميل صفر" الأحد، 15 نوفمبر 2020 11:00 م