الوطن مش بس كلمة ننطقها باللسان.. أو مجرد مكان والسلام.. الوطن قلب وعقل أبداً ما ينشغل أو ينام.. الوطن كيان كبير وحكاية عظيمة يشهدلها الزمان.. الوطن غالى وعزيز على كل وفى وأمين.. الوطن غنوة حلوة فى عيون كل العاشقين.. الوطن دين ورسالة وإيمان بالله.. الوطن عهد على كل اللى عاش على أرضه واتربى على حبه.. الوطن دا كنز عايش جوه القلوب نحيا به ومن غيره أبدا ما يكون لينا وجود.. مصر هى وطنا وعشقنا وكل حياتنا. مصر دى أصلها رسالة.. ومعنى كبير فى الحياة ودى أعظم بداية.. مصر بلد النيل والدفة والعشق.. تملى القلب طيبة وحنان وما لها فى الدنيا مثال.. وربى شرفها بالقرآن ورسولنا قال دى أعظم مكان.. من ترابها كان خلقنا.. ونيلها سر عشقنا.. أصل نيلها دا نهر من الجنة... وهرمها كمان شاهد على ألمنا.. والقناة حفرناها بدمائنا.. وسينا أرض لشهدائنا.. يبقى لازم نحميها وبدمنا نفديها ونرويها.. وأبداً ما نفرط فيها.. مش هنسمح لحد يخونها.. أو حد يفكر يهنها.. لأن مصر كرمتنا وشرفنا وعزتنا.. أنا بعشق بلدى.. وعشقى حكاية ورواية وكتاب كبير ما له بداية ولا نهاية.. دايما بحلم بها.. وبقلبى وحياتى أتمنى أفديها.. بحبك يا مصر.. يا أرض العظام.. يا أرض المحبة وأرض السلام.. يا أرض الراحة وكل الأمان.. بحبك يا بلدى.