علق الإعلامي عمرو أديب، على ما قدمته مصر من مساعدات طبية لإيطاليا، وقال: "الناس اللي بتنتقد دي وخلاص، هل أنت تعرف احنا عندنا كام كمامة ولا كام جهاز تنفس، معقول نكون إحنا محتاجين الحاجات دي وهنديها للناس، لما تيجي تقارن، قارن بين الناس المحترمة اللي بتساعد الناس في إيطاليا، وبين الحرامي أردوغان، اللي سرق مستلزمات طبية كانت رايحة لأسبانيا، اللي بينتقد ده بيتكلم إزاي". وأضاف الإعلامي عمرو أديب: "انهاردة الصين باعتة هدية لأمريكا رغم المشاكل اللي بينهم، هي دي الدول المحترمة، السيدة الفاضلة وزيرة الصحة راحت بنفسها عشان تقدم مساعدات وهدية المصريين للشعب الإيطالي، لو تشوف وزير الخارجية الإيطالي وهو رايح يسلم على الظابط اللي في الطيارة ويشكره، شوفوا وسائل الإعلام الإيطالية انهاردة، لاقدر الله لو الدنيا ساءت عندنا هتلاقي الناس تقفلك بالطابور عشان تساعدك، اللى ناس كتير متعرفهوش أن مصر من أكتر الدول اللي بتصنع وتصدر الكمامات والناس لبعضها".
واستكمل عمرو أديب تعليقه على المساعدات الطبية المصرية لإيطاليا قائلا: "دي دولة تربطنا بيها علاقات تاريخية قوية جدا، احنا منعرفش محتوى الحاجات دي إيه، لكن بقولكوا أن الحركة دي حلوة لأن مصر كبيرة، شوفوا مصر بحجمها وعظمتها، وكل اللي شغالين في البيزنس ده عارفين أننا الأوائل في صناعة الكمامات في العالم، انهاردة شكلك محترم، الدول المحترمة الكبيرة بس اللي بتعمل كدة، الأمريكان بيصطادوا الطيارات وهي في الجو وبيدفعوا فلوس زيادة عشان، ده يمكن ربنا يكرمنا بسبب الأعمال الإنسانية دي". عمرو اديب برنامج الحكايه كورونا فيروس كورونا مساعدات طبيه الموضوعات المتعلقة نقل البضائع: البقوليات والسكر أبرز السلع التى ستنخفض أسعارها بعد خفض السولار السبت، 04 أبريل 2020 10:55 م عبد الناصر محمد: الأهلي لم يتفاوض مع على فوزي وجلال وصالح جمعه مش عايزينه السبت، 04 أبريل 2020 10:52 م التعليم العالى: أجراينا 413 مسحة للمخالطين لإصابات كورونا بمعهد الأورام السبت، 04 أبريل 2020 10:51 م مانشستر سيتى يدخل سباق التعاقد مع فابيان رويز نجم نابولى السبت، 04 أبريل 2020 10:50 م "المحامين" تفتح أبوابها والإدارات تستأنف أعمالها غدًا السبت، 04 أبريل 2020 10:50 م