عند هجرة البطريق نحو المياه الدافئة، يقوم كلب البحر بقطع الطريق على أفواج البطاريق لاصطياد ما يتمكن من اصطياده، وما إن يقترب كلب البحر من البطاريق حتى يقوم أحد كبارها فى السن بالعوم باتجاه المفترس حتى يوفر طريقًا سالكا للبقية. ولا أعتقد أن ذلك البطريق كان يخطط لتقديم نفسه كوجبة لكلب البحر ليخير الباقى أما أن تأكل أو تنتحر، أتساءل أحيانا هل خلد التاريخ انتحار البشر سواء فرديا أوجماعيا وتجاهل انتحار الإنسانية فمحت الوحشية معالمها!! نتذكر أحيانًا قصة انتحار طيارى الكاماكازى اليابانيين فى الحرب العالمية الثانية، التى انتهت نهاية مأساوية باستعمال الولاياتالمتحدةالأمريكية أخطر آلة قتل عرفتها الإنسانية (القنبلة الذرية) فى هيروشيما ونجازاكى. ولا أنسى أيضًا قصة انتحار الملكة المصرية(كليوباترا)التى أنهت حياتها بلدغة أفعى عندما أشيع مقتل أنطونيوس (حبيبها) الذى هزمه أوكتفيوس فى معركة أكتيوم.. قصص خلدها التاريخ. اللافت هذه الأيام عندما تذهب إلى الأسواق أو تنظر إلى عربات الباعة فى الشوارع أن يقع بصرك على كلمة (انتحار الأسعار)! هى الأسعار بتنتحر؟ يعنى بتولع فى نفسها مثلا قدام مجلس الشعب ولا ممكن تستعمل رباط حذاء متهتك لشنق نفسها! طيب ممكن ترمى نفسها من بلكونة على النيل! هى كلمة انتحار كمان أصبحت فى البيع والشراء! ياعم يا بياع فهمنى! يضحك الرجل الأسمر العجوز! يا بنتى لأ يعنى نزلنا الأسعار وبقت كل حاجة برخص التراب!!! إنشا الله ما حد حوش عاوز أخلص وأروح بدرى شوية لعيالى!! دايمًا لما الحاجة بتحصل حوالينا كتير تنال شعبية!! زى الكورة كده يعنى أنت لو رايح تعمل عملية وفى ماتش هاتقول للدكتور تعمل لى العملية من غير نقطة بنج عشان أتابع الماتش معاك مافيش حد أحسن من حد!! أشمعنا كلمة انتحار؟ عشان كل حاجة فجأة بتنتحر قدام عنينا.. لما تقتل مصرى وتطلع بكفالة عشان أنت كنت بتدافع عن نفسك فتضربه رصاصة تجيب أجله! أنت عارف إن أنت هتموته مش هاتسكته ماهو ده انتحار بس مش (للشهيد) للإنسان اللى كان جواك!! لما تتشد اشتباه وتطلع مش عارف هو أنت داخل راجل وطلعت جنس ثالث ولا أيه ده؟ انتحار بس للكرامة! لما تصحى فى يوم من النوم الحقوا فى جاسوس يا ساااااتر يارب وتانى يوم أفرجنا عنه تحت ضغوط ده انتحار للشفافية!! وقبل ماتفوق الحقوا خط الغاز انتحر قصدى انفجر تانى؟؟؟ لأ أقصد تالت! مين البليتشو العبقرى ده؟؟ طيب مش يسيب عنوان السيرك أو بزنزس كارد! ده انتحار بس المرة دى مش لخط الغاز!!! ولما تفوق أم الشهيد على سعر دم ابنها (عشرة آلاف جنيه)مش هاطول منهم ولا مليم دول كفالة القاتل وهديتك اسمك أم الشهيد ده انتحار.. للحق والعدل!!! الانتحار قال: كفاية خلاص جبتوا لى العار.
