هب الأسد وقام بيزأر = فتح المصرى كشف حساب وحوش وديابه نهبواغلابه = وكانت كل حياتنا عذاب حيتان وديوك نهبوا بنوك = تزوير يملا ألف كتاب كنا نشوف الخير فى بلادنا = فص الملح بسرعه وداب كان الكدب بيمشى مجسم = تعابين تنهش ليها أنياب كانوا يقولوا دخلنا نامى = ومعاهم ثروه بشكل عجاب كانوا يقولوا مافيشى وظايف = وتيجى وظايفهم للأحباب سكلنس بياكلوا مع الكافيار = ويقولك موضه قديمه كباب مليون بيت مش لاقى الزيت = وكانت اللحمه حمير وكلاب مهما حكينا ومهما شكينا = وكانوا يشوفواعيشتنا هباب ياخدوا قروش ويملوا كروش = ترفع صوت يقولوا إرهاب سرقوا الفرحه وكحل عيونا = وحلم حياتنا شعره شاب كانت الصوره مرسومه شخابيط = قطر بضاعه شايل ركاب خلوا الدنيا بلون كروهات = وخلوا الأمل معانا خاب خلوا ضميرنا نام فى إجازه = وكل الوعى صبح فى غياب كانوا يقولوا الشعب دا مات = زى العلبه جوا دولاب هب المصرى بدمه الفاير = قفل فى وش الباطل باب هب المارد قال أنا عايش = وضمير الشعب المصرى ماغاب قال ثرواتى لازم ترجع = زى المجد ماجانا شباب وشمس الحق أكيد هتبان = وهيظهر كل واحد كداب