فيديو .. لقطات إنسانية دافئة فى لقاء الرئيس بأبناء الشهداء.. السيسى يرسم ابتسامة على وجوه الأطفال ويجلسهم بجواره فى احتفالية العيد .. يحرص على مداعبتهم ومصافحتهم ويؤكد لهم : لن ننساكم أو نتخلى عنكم

كرم الرئيس عبدالفتاح السيسي، رئيس الجمهورية، عددا من أبناء شهداء القوات المسلحة والشرطة، خلال الاحتفال بعيد الفطر المبارك، بمركز المنارة للمؤتمرات.


وحرص الرئيس السيسى على دعوة 100 طفل من أبناء شهداء الجيش والشرطة لمشاركته صلاة العيد فى مسجد المشير ، وبعد الانتهاء من الصلاة قام الرئيس فى لفتة إنسانية كبيرة بمصافحة ابناء الشهداء، مبتسما لهم ومداعبا إياهم ما أدخل السعادة والبهجة فى قلوب الأطفال.


وبعد صلاة العيد ، أقيمت احتفالية كبيره لأبناء الشهداء ، حضرها الرئيس لتكون الاحتفالية والحفاوة بأبناء الشهداء رسالة وفاء من الدولة المصرية ممثلة فى رئيسها ، بأن مصر لن تنسى دماء شهداءها وتضحياتهم الكبيرة .


وقال الرئيس السيسى فى كلمته التى وجهها لأسر الشهداء خلال الاحتفالية: "كل سنة وأنتم طيبين جميعا واسمحولى أن أشكركم لأنكم موجودين معانا النهاردة".

وأضاف الرئيس فى كلمته: "بشكركم مش باسمى بس، ولكن باسم كل مصرى، مش عاوز أقول كلام صعب فى اليوم ده، لكن عاوز أقول إن الشهداء دول والمصابين قدموا أرواحهم عشان إحنا نعيش .."اوعوا تفتكروا إن التمن ده بسيط.. لا والله، لما يبقى فيه 100 مليون فى أمان وسلام لأجل خاطر أبناء وأزواج يقدموا أرواحهم ده أمر ربنا وحده اللى هيكافئ عليه".


وتابع الرئيس: وجودنا مع بعض دلوقتى رسالة لينا كلنا وللشعب المصرى كله، وكل مواطن يعرف إن فى اليوم ده لا يمكن أبدا لا هننسى ولا هنتخلى عنكم، ده كلام مش بنقوله علشان إحنا مع بعض، لا هننسى ولا هنتخلى عن أبناء وبنات مصر الشهداء و المصابين، وهتجدونا دايما موجودين والدولة موجودة، منتظر هذا اللقاء معكم من شهور، وسعيد قوى والله، وأتمنى إن إحنا نكون أدخلنا جزءا يسيرا من البهجة والسعادة عليكم كلكم وولادى الصغيرين وأحفادى، مختتما كلمته: "كل سنة وأنتم طيبين وعيد سعيد عليكم".