كغيرها من الفتيات، كانت تحلم بليلة زفافها، وأن يسلمها والدها لزوجها، ولكن لإرادة الله كلمة أخرى والتى شاءت أن يرحل والدها الفنان الكبير حسن الأسمر عن عالمنا قبل حفل زفافها. رواد السوشيال ميديا حققوا حلم حياة "نعمة حسن الأسمر" بحضور المطرب المعروف "حسن الأسمر"، حفل زفافها على الرغم من وفاته، من خلال تركيب صورة له بجوار ابنته فى الحفل.
نعمة ووالدها الراحل حسن الأسمر
نعمة خلال حفل الزفاف
بدأت القصة بقيام ابنة الفنان الراحل "حسن الأسمر" بوضع صور زفافها فى إحدى صفحات موقع التواصل الاجتماعى "فيس بوك" والمعروفة بأسم "7ad ye3rf" أو "حد يعرف"، وطالبتهم بتعديل صور الزفاف وكأن الفنان حسن الأسمر كان موجود بالحفل. نعمة خلال حفل زفافها وكتبت نعمة على حسابها بموقع التواصل الاجتماعى "فيس بوك": "إمبارح زي دلوقتي عملت بوست ف جروبات حد يعرف إني عازوة اعمل صورتي وأنا عروسة مع بابا الله يرحمه". وأضافت: "بصراحة بجد كل البنات اللي عملتلي وبعتوهالي وفرحوني كتير أوي، كتر ألف خيرهم أوي أوي، وألف شكر ليهم من كل قلبي، وانبسطت أكتر بردود معظم البنات لما دعوا لبابا بالرحمه واللي شكرو فيه وفي مشواره واللي قالو عليا عروسة جميلة". وأنهت نعمة كلامها موجهة الشكر لكل من قام بتعديل الصور والتعليق عليها: "أنا اقسم بالله مش عارفة أشكر كل بنت فيكم إزاي وكان نفسي أرد علي كل الكومنتات، أو حتي اعمل لايك بس والله من كترهم والله مش عارفة وغصب عني، وكل الصور وصلتني، كتر ألف خيركم بجد وربنا يفرح قلوبكم زي ما فرحتوني، ياريت اللي يشوف كلامي ياخده سكرين شوت ويوصله لأي بنت فكرت تفرحني، ألف الف شكر". ولاقت الصور أعجاب رواد موقع التواصل الاجتماعى "فيس بوك"، والذين أنهالت تعليقاتهم على الصور مهنئين لنعمة على زفافها ويترحمون على ذكرى والدها حسن الأسمر.
وكتبت منة موسى تعليقا على الصور: "قوللها أنى بحب باباها وبحب أغانيه ولحد دلوقتى بسمعها، لما هتجنن خلاص". وتابعت نور جودى أحمد: "قوليلها أنى بجد بحب باباها جدا، وهو من الناس العزيزة على قلبى ولسة من يومين أفتكرته ودعتله بجد، لأن هو ومحمود عبد العزيز من الفنانين اللى عيطت عليهم جامد، أسكنه الله جنات النعيم ورزقه رضا الله وجعل قبره روضة من رياض الجنة". رواد السوشيال ميديا يحتفلون بنعمة ردود أفعال رواد السوشيال ميديا
