خلوا بالكم مصر غالية وأغلى من مصر مافيش راح تعيش فى قلوبنا دايما حبها لازم يعيش لو دخل بينا الشيطان ولا رفرف فى المكان اللى بينا هوة هوة حب باقى ماينتهيش ...... خلوا بالكم مصر غالية واللى حبوا مصر ياما إحنا من غيرها غلابة وإحنا من غيرها يتامة يالا بينا نبوس إيديها يالا نزرع حب ليها حبها يضلل علينا من هنا ليوم القيامة ...... لو زعلنا منها حبة أو زعلنا حبتين حبها يرجعنا ليها أمنا وهانروح لمين بُكرة بستانها يزهر والأمل جوانا يكبر طول ما فى قلوبنا المحبة راح نكون الكسبانين ...... كل جرح وله دواه هى دى سنن الحياه المهم نعيش حبايب زى ما قال الإله الوداد يدينا قوة يصحى فى القلب الأخوة ولو يهيج البحر حبه المحبة طوق نجاة ...... العوازل عايزة تشمت والعوازل غدارين نفسهم يبقى ما بينا الفراق دنيا ودين نفسهم نبقى ولايات نبقى دايما فى خلافات نفسهم مصر الكبيرة تكون ولاية لبنيامين ...... خلوا بالكم مصر غالية خلوا مصر قصاد عنيكوا دافعوا عنها بكل قوة بطاقة الحب اللى فيكوا بالأخوة وبالمحبة وبالمودة حبة حبة الشجر بكرة هايطرح بكرة هايضلل عليكوا ...... خلوا بالكوا مصر غالية وعالية فوق كل المحن مصر فيها الخير لبكرة وبعده وبطول الزمن مهما طال الليل عليها والمحبة لسة فيها راح نلاقى الشمس طالعة منورة أغلى وطن ......