البحر مين يملاه غير الإله فى سماه والقلب مين بكاه إلا حبيب يهواه وأنا قلبى عمره وحيد ملقاش اللى يتبناه عجبى =============== يا ليل يا عين يا ليل على القلوب الغبيه بتقول كتير وقليل حاجات مهيش هيا القلب الحلو ده لك يا عم؟ واللا ليا؟ عجبى =============== مرميه ع الرصيف جتت بشرية مش لاقيه قلب نضيف ينصفها بماهيه تكسر قيود الخوف من فول وطعميه لازق لها مألوف عِشره مهيش هيا عجبى ============== يا عم يا اللى فوق حِس بقى بينا نفسى فى مره ندوق لحمه تقوينا قاسى قوى ع النِن شُوٌف العيال بتئن والعُذر أقبح مِن لو كنت ناسينا عجبى =============== العيش كده مش فارق محروق وحارق والفول بين دا ودا حابس وزانق والعدس عاد له نصيب فى الدرس والتأديب ولا قانون الطوارئْ عجبى ================ يا طير يا طاير اهبط بقى عامل عمايل مفهاش بقى ربك ثوابه سابق عذابه إعمل حسابه يوم اللقى عجبى ----------------------------