يا نبض الأحاسيس المكتوبة يا ليلة القدر الموعودة يا شمس تهب فى ليل طوبة تعدل أوضاعى المقلوبة وارمى الكاس لأجل الضى اللى مليكى ولأجل القد المياس أنسى الناس وأنسى أن فى بشر تنداس بقدم حراس وأهرب من قسوة وطنى فى نن عنيكى وأقطف من سما سمرة نظرة حب واحس ايديا حواليكى واشرب دمعك لو يوم سال على الخد النادى وعلى تفاصيل الشفة الوردى ازرع شوك شنبى النابت لأجل أحميكى وأفرح بيكى يوم ما حروف الحب تندى وتروى الزرع الدبلان أقفل عينى وألمح تضاريس الحضن الدفيان وألمس شعرك بوريدى وأعمل من كتفى أمان لأجل تنامى وتذاكرى فى تفاصيل أحلامى وتقابلى ضفايرك بترفرف على سطح خيالى من قبل ما أقابلك وأضمك من قبل زمانك وزمانى عايشة فى وجدانى وفى قلبى حوارى صورتك فوق كل البنايات يا نايات وبتعزف على دمع نايات يا بداية كل البدايات حبك حكايات