حسن شحاتة يا معلم يا فرحة وسط زمن باكى يا بدر فى ليالى الضلمة نوّر يا مصر فى سماكى تعيش لمصر وأحبابك والنصر دايما على بابك أدب وأخلاق وتفانى بتقول يا مصر أنا فداكى حسن شحاتة يا معلم يا رمز للعمل الطيب تعبت لأجل تفرحنا خليت فرحنا بقى قريب وسهرنا يا أبوعلى ندعيلك نوّرنا ليلنا بقناديلك ومصر جمعّها نجاحك وربنا فرجه قريب حسن شحاتة يا معلم يا أبوسجدة على أرض الملعب تقوى وإخلاص وتفانى وطبع فى الأصل مهذب جمعتنا بحبك حواليك وشوارنا ليلة الفرح عليك نفسى الجميع يتمثلوا بيك ويمشوا بالرأى الأصوب حسن شحاتة يا معلم الكاس كسبته تلات مرات خليتنا يا أبوعلى على حسك نعيش فى زمن الانتصارات عقبال يا أبوعلى مانشوفك ونشوف وزراءنا ضيوفك يتعلموا الإخلاص منك وتحل على مصر البركات حسن شحاتة يا معلم ربى يزيد من أمثالك وياخد الشلة الفاشلة ووزيرنا اللى بالى بالك والله يا أبوعلى يا حبيبى أمك بحبنا دعيالك حسن شحاتة يا معلم يا حزب مصر المحروسة أعضاؤه حيعلقوا صورتك على العلم وعليها بوسة وشعاره راح يبقى الكورة وننسى أحزابنا العورة واللى عنيهم مكسورة وغرقانين وسط الكوسة