سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
مصر 2030.. ويؤكد هفضل أبنى فى البلد وأعمر لغاية ما تنتهى حياتى أو مدتى ..واسألوا عليا فى الجيش أنا مابشتغلش غير على مرحلة واحدة والغلابة مش هتستحمل السيسى يطلق استراتيجية التنمية المستدامة
طالب الرئيس عبدالفتاح السيسى طارق عامر محافظ البنك المركزى بالكشف عن حجم الأموال التى حصلت عليها الشركات المختلفة من القطاع المصرفى، مؤكدًا أن هناك 50 شركة فى مصر حصلت على قروض بقيمة 250 مليار جنيه، وأن الفترة السابقة شهدت تركيزًا فى إقراض الشركات الكبيرة، ولكن لن نمنع الإقراض لهذه الشركات. وكشف الرئيس السيسى خلال حفل إطلاق استراتيجية مصر للتنمية المستدامة" رؤية مصر 2030، بمسرح الجلاء، أن الدولة خصصت 200 مليار جنيه للشباب، مطالبًا الحكومة بالتواصل والتنسيق فى المناطق الصناعية لتجهيز تلك المناطق للشباب، معربًا عن خشيته فى حال عدم إقامة مناطق للشباب بالمناطق الصناعية من انتشار الصناعات الصغيرة والمتوسطة بشكل عشوائى، مضيفًا: يجب تخصيص أماكن للشباب فى المناطق الصناعية. كما طالب الرئيس بضرورة وجود تصور جديد فى العلاقة بين الشباب والبنوك، مضيفًا: "عايز أنظم الدنيا، علشان مااظلمش ابنى وادخلوا فى مهمة اضيعوا فيها" ومضى فى حديثه قائلا: " اعملوا ألف مصنع واجيب معداته تحت سيطرة الدولة فى التشكيل والبناء علشان يخش المكان يلاقى فيه مركز تأهيل ومستشفى ومعرض، للدراسة ". وتابع: "لو ماعملناش كده هانقعد 30 سنة على ما نقدر ناخد مكان زى الدول اللى خدت مكانها، . ووجه كلامه للمسئولين، "لو كنتوا عملتوا مدينة دمياط للأثاث من سنة كانت زمانها بتتسلم للشباب ألف ورشة دلوقتوا، "الروبيكى" عاملنهالى على 3 مراحل، اسألوا عليا فى الجيش انا مابشتغلش غير مرحلة واحدة، الغلابة والناس مش هاتستحمل، انا ماعنديش غير مرحلة واحدة". واستشهد الرئيس بفكرة ابنى بيتك قائًلا: "فكرة ابنى بيتك خد الشباب مشروع ابنى بيتك العشوائى واحنا مابنعملش كده احنا بنعمل عمل كامل ومتقن محترم ونتصدى لمشاكلنا ونقوم بحلها ، وغير كده لن يكون هناك أمل ". وقال الرئيس السيسى:" نقوم بعمل كيانات للصناعات المحتملة كى نضمن نجاح الشباب، ومانخلوهوش يخوض تجربة قاسية وقادر بفضل الله سبحانه وتعالى أعمل 100 منطقة صناعية فى خلال سنة ونصف، واقدر اعمل مليون شقة فى سنة واثنين، اقدر اعمل كده لاولادى، انتوا فاكرين نفسكوا ضعاف ولا ايه؟، مصر، دى دولة كبيرة تقدر تعمل كل حاجة". وقال الرئيس عبد الفتاح السيسى، عندنا 3.7 مليون شقة مجهزين بشكل عشوائى بمعنى أن الصرف الصحى والمياه والكهرباء غير معمول حسابهم، موجها كلامه الى الحضور قائلا "انتو فاكرين إنى هسبها .. أنا هفضل ابنى فيها واعمر فيها لغاية لما تنتهى حياتى يا إما مدتى". وتابع: "بقول الكلام ده وارجوا إن الناس تخلى بالها اننا ان لم نكن كلنا جنب بعض ونخلى بلنا من بدلنا هتبقى المهمة صعبة علينا كلنا". وجه الرئيس عبد الفتاح السيسى، كلامه الى المصريين قائلا "إن لم نكن جميعا بجانب بعضا البعض هتكون المهمة صعبة على المصريين كلنا ومتدوروش على المكسب القريب ولازم نتحمل لأجل خاطر أولادنا وأحفادنا". واستطرد: "بكلم محدودى الدخل اللى خايفين على أن بلدهم تضيع منهم واحنا فى تحدى كبير وهنحط ادينا فى ايد بعض وطول ما المصريين كتلة واحدة هنقدر نعمل كل اللى احنا عايزينه واللى عايزين نعمله خير وسلام وبناء". وخاطب "السيسى" طارق عامر رئيس البنك المركزى "عايز اعمل أحسن حى مال وأعمال فى الشرق الأوسط فى العاصمة الادارية الجديدة". واختتم "السيسى"كلامه فى فعاليات مؤتمر "رؤية مصر 2030" بمسرح الجلاء، برسالة الى المصريين قائلا "بتحبوا مصر صحيح.. اسمعوا كلامى أنا بس". موضوعات متعلقة: - السيسى يدون ملاحظاته عن مشاكل الشباب بمؤتمر "رؤية مصر 2030" - بالفيديو..السيسى : تخصيص 200 مليار جنيه لشبابنا ولن نمنع إقراض الشركات الكبيرة - السيسى للمسئولين: "اسألوا عليا فى الجيش باشتغل مرة واحدة مش على مراحل" - بالفيديو..السيسى: "هافضل أبنى وأعمر مصر لغاية ما تنتهى حياتى أو مدتى" - رئيس الوزراء فى "رؤية مصر 2030": ننفذ إستراتيجية ترعى اقتصاد مصر.. نسبة البطالة 27%للذكور و44%للإناث ونسعى لتحقيق العدل الاجتماعى.. 75%من الموازنة للأجور والدعم.. ونوفر ملاذا آمنا للاستثمارات الأجنبية
