ليه كل سنه نقول لبعض كل سنه وأنتم طيبين هو ده بيبقى أمل ولا دى عاده عند المصريين يعنى نبقى متناكدين وقرفانين ومكبوتين ونقول برضو كل سنه وأنتم طيبين طيب ماتيجى نرجع سنه أو سنتين أو حتى عشر سنين نقيس الحلو والمر نشوف الخير والشر نسأل دموع العين يا ترى ظلمنا حبايبنا ولا إحنا منهم مظلومين حتى فى شغلنا زملائنا بيلعبونا ولا مخلصين وبرضو بنقول كل سنه وأنتم طيبين وكل سنه تمر العمر معاها بيمر وادينا كده ماشين ومفيش جديد الجعان جعان والسعيد سعيد والحزين حزين وحتى لو ركبنا فى الباب عين سحريه برضو هنقول مين أصل إحنا متعودين دايما نقول لبعض كل سنه وأنتم طيبين كل سنه وأنتم طيبين