أنا فارس ف عينيكى يا مصر أنا جندى ف جنود العصر حلمى سلاحى وفجر كفاحى وإرادتى دى سبيل النصر أوع تقولى ف يوم يا معاق أنا برسم أحلامى معاك عزمى أنا قوة بره وجوه بص وشوف كده هنا وهناك أنا قادر أمشى المشاوير وأبدِّل ف طريقى كتير عزيمتى تحدى ولا شىء عندى يبعدنى عن حلم كبير أنا زيك فارس فى الكون عاشق إنى ف لحظة أكون نجم وصاعد ليا قواعد وألقى الضحكة ف ألف عيون كل كلامى ماهوش شعارات أنا ياما جبت ميداليات كأس وبطولة مراكز أولى أنا من أولى بجيب بطولات