أنا فارس ف عينيكي يا مصر أنا جندي ف جنود العصر حلمي سلاحي وفجر كفاحي وإرادتي دي سبيل النصر اوع تقولي ف يوم يا معاق أنا برسم أحلامي معاك عزمي أنا قوة.. بره وجوه بص وشوف كده هنا وهناك أنا قادر أمشي المشاوير وأبدِّل ف طريقي كتير عزيمة تحدي.. ولا شيء عندي يبعدني عن حلم كبير أنا زيك فارس ف الكون عاشق إني ف لحظة أكون نجم وصاعد.. ليا قواعد وألقى الضحكة ف ألف عيون كل كلامي ماهوش شعارات أنا ياما جبت ميداليات كأس وبطولة.. مراكز أولى أنا من أولى بجيب بطولات