بعيدا عن الألعاب التقليدية والهدايا المعتادة للأطفال من الممكن أن تستعين بواحدة منها لطفلتك؛ داخل شوارع الجمالية، ستجدها على جدران المحلات تبرق بألوان مبهجة وتصميمات مختلفة، بدل "الرقص" أو الاستعراضية التى صنعت خصيصا للأطفال تنتشر وسط شوارع المحروسة تداعب أعين المارة. تقف وسط بضاعتها المتراصة بكلمات بسيطة تدعو السائحين والمصريين للشراء، "أم حسين" إحدى أشهر البائعات فى منطقة الجمالية تحكى ل"اليوم السابع" عن سوق البدل الاستعراضية وكيف حققت رواجا كثيرا فى الفترة الماضية تقول "أم حسين": "من زمان وأنا ببيع هنا فى الجمالية، ساعات بفصل البدل بنفسى وأصممها على زوقى وأوقات تانية بشتريها من مصانع، بحب دايما الألوان الجميلة اللى تلفت نظر الأطفال وأهلهم، وأهى هدية جميلة للأطفال يلعبوا بيها ويفرحوا، ومع إن السوق مش زى زمان بس الحمد لله البدل دى عليها إقبال خصوصا من السائحين". وأضافت"أم حسين" أن بدل الأطفال مابتكلفش كتير، عكس بدل الكبار، عشان كدة أسعارها بتكون فى حدود 20 أو 30 جنيها على حسب التطريز، مضيقة: فى ناس بتعدى عليا وتقولى حرام إنى أبيعها، بس أنا مش بعمل حاجة غلط، أنا ببيعها للستات عشان يلبسوها فى البيت، وأهى حاجة بتفرح الأطفال. وأشارت "أم حسين" إلى أن الجمالية منطقة فى الأصل سياحية، فإحنا بنبيع الحاجات اللى السياح بيحبوها عشان نعرف نعيش ونكمل، خصوصا إن السوق واقف، ومفيش أكل عيش، كمان البدل مش عريانة ولا حاجة ولا فيها حاجة عيب، زيها زى لبس الأطفال، بس الفرق إنها حاجات شعبية ليها طعم مختلف، بتسعد الناس، وبتأكلنا عيش، وبتخلينى قادرة أربى عيالى فى الأيام الصعبة دى". أم حسين بائعة بدل رقص الأطفال بعض بدل الرقص موضوعات نيابة العجوزة تبدأ التحقيق فى اتهام "صافيناز" بإهانة علم مصر
