وتعرفينى إزاى وإنتى محاوطانى يا قاطفة الحلم من نومى وطيف الورد يانجومى.. يا لابدة ف كل تكوينى حرارة الضمة تكوينى ياشاهرة السيف ف شرايينى وتقطعى خوفى يا جرأتى وكسوفى أنا صوفى.. وبتصوف ترانيمك وبترنم صدى صوتك أنا بطرب بتنغيمك ياغنوتى وموالى خلطت العشق بأحوالى برشرش ف الفضا فنى وأنا ف الفن.. سيريالى رسمتك صورة.. طبق الأصل م الواقع أنا واقع ف نن عنيكى من جوه ولأضم حبنا بقوة كتبتك ف الحياة حوا تكلبش ف الخلود وتعيش أنا درويش.. وبتدروش على كفوفك.. يمين وشمال ف بحر التيِه أنا رحّال لقيتك ف الهوى عنوان افتحيلى الباب ده أنا ف الحب إنسان وتعرفينى إزاى وإنتى إللى ساكنانى