دشن مستخدمو موقع التواصل الاجتماعى "تويتر" هاشتاجا ساخرا يحمل عنوان "إفتى فى المستقبل"، وذلك لتخيل أشكال الحياة فى المستقبل، حيث قام النشطاء بكتابة أمنياتهم التى يريدون أن تتحقق فى المستقبل، كما قام آخرون بالسخرية من الهاشتاج عبر كتابة بعض الأمانى التى تشبه تحقيقها المستحيل. المستخدمون عبروا عن أمنياتهم الميئوس من تحقيقها عبر الهاشتاج، حيث كتب أحدهم قائلاً: "هنكسب كأس العالم وهنغلب البرازيل وإيطاليا وإسبانيا"، وكتب مشجع زملكاوى "الزمالك ياخد الدورى ثلاث مرات ورا بعض"، بينما حلم آخر بأن "مصر هتنظم بطولة كأس العالم". ويبدو أن أحد مشجعى القلعة الحمراء، مل من كثرة حصول النادى من البطولات، فكتب قائلاً: "النادى الأهلى هيبطل ياخد بطولات ويسيب الفرق الغلابه تسترزق شوية، إن شاء الله مصر حتنظم كأس العالم وحتاخد البطولة بل وأحسن تنظيم، هيسحبوا تنظيم كأس العالم من قطر ...ومصر هتنظمه 2022". مشكلة الإسكان طلت برأسها على الهاشتاج، فأفتى أحد النشطاء عما سيحدث مستقبلاً بقوله"شركات البناء والإعمار تعلن عن بناء وحدات سكنية فى كوكب المريخ". وكان للفتاوى فى الشأن التكنولوجى نصيباً، فكتبت إحدى المستخدمات: "فى المستقبل الناس هتقدر تلمس بعض من ال skype بدل ما نروح لبعض ونخلص من جو المواصلات والقرف بتعها"، "مفيش حد هيبص فى موبايلك وأنت راكب مواصلات". الطلاب لم يتركوا الهاشتاج أن يمر مرور الكرام، فذهبوا إلى تخيل ما يرونه مريحاً لهم من متاعب الدراسة والمذاكرة فى المستقبل، فكتب أحد الطلاب، "مش هيكون فى دراسة هيكون بقا فى حاجات جديدة بدل ما نذاكر ونوجع دمغنا". وتابع آخر: "هيطلعوا أجهزة يخليك تحفظ المنهج من غير ما تذاكر وتوجع عينك فى مراجعة الملازم والكتب"، "هيخلوا سور المدارس مكهرب عشان العيال لما متعرفش تهرب"، "هيكون فى أتوبيس بيوصل التلاميذ للمدرسة ويروحهم تانى". بينما لاقت أزمة المواصلات حلولاً خرافية تخيلها المغردون عبر الهاشتاج، فكتبوا: "هطير زى سوبر مان بس من غير بوكسر أحمر ونخلص من أزمات المواصلات"، "سواقين الميكروباص هيبطلوا يلعبوا مع بعض نييد فور سبيد"، "مش هنلاقى زبالة فى كل مكان والشوارع هاتبقى نضيفة"، "هيكون فى وسائل نقل جديدة طائرات بقا وصواريخ وعجل طائر والعربيات هتبقا حاجة قديمة"، "المترو هيبقى فاضى". وتابعوا: "هعمل خمسات بالطيارة ف السما واخد مراتى المستقبلية فسحة ف المريخ"، "البنات هيا اللى هتيجى تخطب الولاد ويجيبوا الشقة والشبكة وإحنا نتشرط عليهن"، "المواصلات مش هتبقى زحمة ومفيش تكاتك ولا سرسجية فى شوارع مصر"، "سواقين المكروباص هيشغلوا عمرو دياب وأغانى كلاسيك بدل القرف اللى بنسمعه غصب عننا". موضوعات متعلقة السيسى يتصدر قائمة CNN كأكثر القادة المؤثرين فى الشرق الأوسط.. وتصف أعمال زعيم تنظيم "داعش" ب"الزحف الوحشى".. وتطرح هاشتاج "#المؤثرون_2014" على "تويتر".. وأوباما وأردوغان ونتنياهو ضمن القائمة