بوجه كلامى لعم حمام. اللى عمل شجاع وهمام. أنا نصرانية وبحب السلام. وبحب القسيس وبحب الإمام. وبحب كل قلب دعا بالسلام. كفاية كده بقى ويالا نبص لقدام. ده دنيا فانية. ومادايم إلا وجه العلام. صدقنى باجى عند الزعل. وأعجز عن الكلام. أوعى تحسبها سلبيه. وتقول ياسلام . ده أمر رب الكون والآلام. اغفر لهم يا أبونا. وشاور لهم بالسبابة والإبهام. إحنا عايشين مع بعض أخوات. وكله تمام التمام. مين هما اللى ورآك. ودفعولك كام. مش إحنا قولنا. نبص لقدام ياعم حمام. ده الحمام رمز السلام. ده أم النور لسه جايه مصر كمان. تيجى أنت تجرح قلوبنا بالآلام. صدقنى لو حسيت اللى عملته. ماهيجيلك قلب تنام. أنا مواليد 70. ووارثة النصر مع السلام. الله أكبر.. الله محبه. والعلم مغرقش وعام. واللى شافه اتصاب وقام. وأنت عملت من أخواتك. فى الشارع أكوام. ياعم حمام. ده الإنجيل قال (مبارك شعب مصر). والقرآن قال(ادخلوها بسلام). ومهما حكيت مايخلص الكلام. الله يسامحك والسلام ختام.