كلمة الحق اللى توجع قولها ميهمكش حاجه واللى يزعل منها يولع والكلام من غير ديباجه الحريقه تقيد وتطفى والحرامى يروح ويخفي وانت عارف لما تحفى مش حاتفهم أى حاجه لما يبقى البيه حرامى عنده أكتر من محامي اللى مصرى واللى شامى مش حاتمسك أى حاجه يابنى دول عينهم قويه ف الشطاره ميه ميه يخبط الخبطه اللى هى وان وقع يعمل خواجه والخواجه سره باتع مهما يعمل نجمه ساطع وان أخد له حكم قاطع يجرى يهرب من سفاجه الفساد ياخواننا عشش والضمير ميت ومشش واللى مالغربال مبصش يبقى معمى ف كل حاجه إمتى بس نصون بلدنا لجل خيرنا وخير ولادنا لوما صلحناش بإيدنا يبقى ننسى أى حاجه