بحبك يا بلدى وكمان بخاف عليكى وأن قالولك إنى مش فارقة معايا وعايشة حياتى.. أوعك تصدقيهم أصلهم بيكدبوا عليكى أوعك فى يوم تشوفى أعدائك حبايبك أوعك كمان تحسبيهم ولادك أوعك فى يوم تصدقى ناس: يضحكوا فى وشك، يرفعوا علمك، يقفوا فى ميدانك لكن من وراكى عمرهم ما كانوا ليكى "كل اللى همهم إزاى يشوهه صورتك" ولادك مش حاسين بقيمتك مش عارفين يعنى إيه حضاره وتاريخ كبيرة مش عارفين يعنى إيه قدماء مصريين ولادك زمان بنوا أهرامات يحكوا عنها العالم "أهرماتك أصلها وهم" ولادك زمان عرفوا يحافظوا على عروبتك عرفوا يحافظوا على أصالتك.. أملى يا بلدى أشوف ولادك كلهم جامبك أملى يا بلدى أشوف ولادك كلاهم أيد واحدة اعتصمنا بكل حاجة وفى مكان بس نسينا إننا نعتصم بحبل الله، هما صحيح عملوا ثوره ثورة يعنى حرية، ثورة يعنى عدم خوف، ثورة مش معناه بلطجية، ثورة مش معناها واقفة فى الشوارع تمنع ولادك يشوفوا أكل عيشهم "ثورة يعنى أمشى فى الشارع مش خايفة إن ولادك يئذونى" "ثورة يعنى أمشى فى الشارع مش خايفة أن ولادك يؤذونى" ثورة يعنى مينا يحمى خديجة ثورة يعنى متعرفش مسيحى من مسلم معلش يا بلدى أصل ولادك فهموا الحرية غلط أوعك تفكرى أن كل اللى فيكى خانوكى. لسة وراكى رجالة ولسة وراكى ولادك اللى عارفين قيمتك ولسة كمان ربنا معاكى أوعك تزعلى منى أكمنى صارحتك بالحقيقة"، أصلى بحبك "وأنتى لسة صبية لابسة فستانك وخليكى صابرة لحاد ما ولادك يفهموا الحرية أوعك تتخلى عن حلمك فى يوم خليكى صابرة عشان ولادك اللى بيحبوكى واللى عمرهم مهيتخلوا عنك هيفضلوا معاكى أوعاك تخافى أصل ربنا ذكرك فى قرآنه" بحبك يا بلدى" وكمان "بخاف عليكى".