معناته أمى وأبويا والحنية يعنى الطيبة وأكلة بسيطة بس هنية يعنى نور رمضان جوه وشوشهم وأصغر أخت رايحه وجايه بتوشوشهم امتى ياماما المدفع امتى هانفطر وابص فى وش الحاجة القاها بتضحك خدها معاك والهيها بلعبك وساعة المدفع تسمع أمى وأبويا ياله نسمى لجل البركه تعم يا ابنى وادعى لعمك العيان ويجى لبناتنا كتير عرسان كان الأكل بطعم البركة وأمى الحاجة فى حالة حركة تدى لبويا قناصه وورك الفرخة وتدى لزينب صدر وكبدة والايد راحه بكل سعادة وجاية وتسمع منها قوم ياله ياعبده اشكر ربك واغسل ايدك عالحنفية كنت أشوفها دايما قاعدة بتقرأ فى القرآن وكل نهارها جوه المطبخ تعمل لينا فطار رمضان تلقى نبينا ذكره كتير على طرف لسانها كنت معاها حاسس دايما إن البركة فى كل حياتى عمرى ماخفت من كلمه بكره ولا فكرت فى رزقى يوماتى وبعد ماراحت خدت البركة وماعادش فاضلى إلا دعاها الله يرحم أمى وأمك ويرفع عنا همى وهمك درة الشهور هللت بالبشر تعطى من الخيرات وتمحى الذنوب فيك بالحسنات يادرة أهلا مرحبا مع السلامات يا نعمه الرحمن يا جنة الإنسان أقبلت بشرا تحمل للعباد منارة تهدى وتخرج كل عاصى كريما بغير مزلة الذكر سهل فيك أطراف النهار من قبل فجر ومن عصر إلى الإفطار الروح تسمو بالذكر فيك كما تشاء لا يأس أبدا فيك بقولها ربى يشاء الروح تسمو وتعلو والنفس للعفو تهفوا ندعوك ربى بالتفضل منحة بشفاعة المختار طه الحبيب أبا الزهراء المسحراتى عدى ينقر على طبلته اصحى وينده علينا واحد واحد يسبح ربنا باسمه الواحد صوته جميل فى السحر قومى يا بطه قوم ياموسى بن خال شلتوت قوموا لا السحور منكم يروح ويفوت قوموا سبحوا واستغفروا حبه واسجدوا للمولى الكريم كده كام سجده وولعوا عالفول وحطوا جنبه جبنه وزبديه واتجمعوا عيله جميله على الطبليه صحصح ابنك كده لو نايم قو له اصحى وحد الدايم وارفع ايدك للكريم قبل الأدان بشويه الوقت وقت اجابه والدعوه اكيد مقضيه وصلوا ياله متجمعين و جماعه بس اوعى تنس تدعيلنا وانت جوه الطاعه وكل عام وانتم بخير