قولى أنت مين وأنت جاى من أى طين طين البنى آدمين اللى هما موحدين ولا طين المُكفرين المُخربين القاتلين قولى أنت مين لجل تقطف زهور فى العمر لسه لسه يدوب مفتحين وفى أى ملة وأى دين تقتل فى ولاد الغلابة الشقيانين تسرق حلم عمرهم طول السنين قولى أنت مين توجع قلوب الأحبة تدفن مشاعر لسه شابة تفتح جروح ما تطيب سنين وتقولى شرع.. وتقولى دين أنتم أسئتم.. للمسلمين قولى أنت مين يابو دقن وجلابية وزبيبة صلا فى الوش قوية شفت إيدك فيها سبحة والإيد التانية بندقية على وطنك وناسك بالغل متعبية قولى أنت مين ياللى ناسى فى الأصل تارك مل اغتصب عرضك ودارك وجاى تقول مش دى القضية يبقى ليه استنى منك نخوة ورجولة وعروبة أبية قولى أنت مين ياللى سايب حقك من سنين للى دنس الأقصى أولى قبلى للمسلمين وأنت محتار تصنفنى فى أى دين أنا على دين الفاتح صلاح الدين أنا من جيل أكتوبر فى 73 قولى أنت مين يمكن لما نتحاور ونتشاور فى أمور الدنيا والدين يبقى الهدف واحد والعدو واحد ساعتها بس نبقى متأكدين إن احنا نقدر نحررك.. يا فلسطين قولى أنت مين