قوم يا شباب يا أبو قلب جسور . . نمشى طريقنا لتانى عبور أول عبور كان للتحرير.. واليوم عبورنا للتعمير.. وعبور لقنوات التنوير تزيد عقولنا بعلمنا نور قوم يا شباب يا أبوقلب جسور ********** (أول عبور) يوم ما الجندى المصرى السوبر . . جاب لبلاده نصر أكتوبر كان العبور يكفاحه عظيم .. والكون بيضربله تعظيم.. بخطة مدروسة وتنظيم ورضا المولى كان منصور قوم يا شباب يا أبوقلب جسور ********** (تانى عبور) يوم ما حيبقى العلم طريق . . وكتابنا فى أيدينا صديق وعى الشباب فى الكون حيزيد.. يقرأ فى بحور النت جديد.. اللى بيمشى مع التقاليد دا احنا وطن لمبادئه جذور قوم يا شباب يا أبوقلب جسور ********** يوم ما نحول أرض الصحرا . . لأحلى جناين ومدن كبرى روح الشباب تديها حياه..والحب فيها يملا ضياه.. والجو صافى هناك نلقاه وأحلى عبير من أحلى زهور قوم يا شباب يا أبو قلب جسور ********** يوم ما حنبقى ملوك انتاج . . والجودة ع المنتج تاج صيت م المحيط عدى الخليج.. احنا ملوك غزل ونسيج.. فى الصوف لنا حق التتويج فى السجاد إنتاج مشهور قوم يا شباب يا أبوقلب جسور ********** يوم ما تكون يا شباب موهوب . . وسفير مصر فى أى شعوب أدب .فنون.وفى أى مجال..دايمًا ولاد النيل أبطال .. لهم فى كل زمان أعمال واسم نجوم بحروف من نور قوم ياشباب يا أبو قلب جسور ********** يوم ما حنبقى دعاه للخير . . وايدين تشفى آلام الغير نبدأ عبورنا لعصر جديد..لا طفل يمشى فى سكة شريد.. ولافيه يتيم محروم ووحيد تنبنى ليك فى الجنة قصور قوم يا شباب يا أبو قلب جسور ********** كون يا شباب عصفور سلام . . لشعوب يجمعها الاسلام تلقى صفوف المسلمين.. تجمعها وحدة دنيا ودين.. ضد غزاه أومعتدين دور إنسانى وأجمل دور قوم يا شباب ياأبو قلب جسور