كفاية قرف يا جدعان مش عاوزين تلوث بصرى رمضان بقى للمسلسلات و الكل بيقول حصرى رمضان ده شهر العبادات و الصلاة و الصوم بس فى الآخر حنقول إيه ع الشعب المصرى -------------------------------------------- كُل همُّه فى الأكل و إزاى جيبه يكون مليان مش مهم مين يزعل ، مش مهم مين تعبان مش مهم مين اتشرد و مين اتبهدل و اتهان المهم إن موبايله ف إيده و هو آخر روقان -------------------------------------------- فى كل حتة و كل مكان مفيش غير الإعلانات تليفزيون ، شارع ، نت و المولات و المحلات الكل فِكره فى الاستهلاك و الشرا و البيع كأن التجارة دى بقت طاغية على كل المجالات -------------------------------------------- علم و محدش بيتعلم و لا حتى عايز يتعلم و إزاى يصبح الواحد متعلم من غير مُعلِّم و لا إنتم عايزينا نرجع لورا و خلاص العيب فيكم و العيب منكم و مين غيركم حيتألم