ياثوار.. كام ريح بتواجهه وتيار.. لجل يشوفوه قايد نار حاسبوا فيه نفوس بيوسوسوا البيت المصرى له كيان.. أهله من كل الأديان.. والنيل لحياتهم شريان بنسيمه الصافى اتنفسوا البيت المصرى لو انهار.. الليل ولا يطلعله نهار.. ولا زى النيل نلقى أنهار ولازى نجومه يونسوا أجدادنا بنوا كل جدار.. بأساس م الحب صبح دار.. لو ألف زمن ع البيت دار احموه م الشر ليلمسه البيت المصرى دا عمار.. مفتوح لضيوفه الزوار.. حضن لكل شقيق أو جار للى بقلوبهم يخلصوا أهل البيت عاشوا بإخلاص.. من أيام عمرو بن العاص.. وإحنا حبال الود خلاص دابت وجذورنا بيتنسوا الوحدة نرفعها شعار.. الليل راح يطلعله نهار.. والبيت بإيماننا ما ينهار دى عيون المولى حاتحرسه