تقدم مصممة الأزياء والطرح رانيا يوسف، مجموعة من النصائح للفتيات والسيدات عن مكملات المظهر الأنيق للفتاة والذى لا يقتصر من وجهة نظرها على الملابس والطرح والإكسسوارت الأنيقة، وإنما هناك أشياء أخرى تضفى لمسة أنوثة أو وقار على المرأة، تذكرها مصممة الطرح قائلة "اللبس والإكسسوارات الشيك كله مش كفاية، لازم تاخدى بالك من كل حركاتك، قعدتك، مشيتك، طريقة أكلك، ضحكتك، لأن كل هذه الأشياء مكملات أناقة". وتعطى المصممة بعض الملاحظات على ملابس الفتيات منها ارتداء السلسلة الذهبى والفضى على الجبهة قائلة "ممكن تلبسى السلسلة على الأورة سواء ذهبى أو فضى لكن مينفعش تلبسى السلسلة دى فى عز الظهر، والسلسلة تكون مناسبة لحل أزمة فقط، يعنى لو رايحة فرح أو خطوبة أو أى مناسبة سوارية ومعندكيش طرحة مشغولة أو الطرح اللى عندك كلها سادة لكنها لا تصلح للنهار". وتشير إلى ملاحظة مماثلة وهى ارتداء العبايات المشغولة بالاسترس أثناء النهار بقولها "فيه عبايات كاجوال أو جينز وفى منها أسود بدل العبايات اللى بتلمع فى عز الشمس". وتنقد موضة التوكة الكبيرة التى ترتديها الفتيات أسفل الحجاب "التوكة الغريبة اللى بتتلبس تحت الطرحة علشان تعمل فوليوم شكلها بلدى موت، وتنصح ارجعوا للفة الطرحة اللطيفة الرقيقة بتاعتنا وممكن إعطاؤها شكلا جماليا ببندانة أو بحلق صغير فى المناسبات يعلق فى مقدمة الطرحة".
