مصرنا تصبح حزينة! وشباب زى الزهور ..دمهم يسيل بحور والجناه مننا فينا هى دى وصية نبينا؟! ****************** النبى على مصر وصى بأرض مصر وأهلها وناس لأمر الله بتعصى تشعلها جمر فى رملها اللى حلمه فى النفوذ ..عشان بمال وجاه يفوز حط إيده فى إيد لعينة هى دى وصية نبينا؟! *************** مصرنا بمدنها زاهية أحلى واحة للعرب والغريب بنسيمها يحيا عمره فيها ماإغترب كام فى مصر من رموز.. وآثار باقية كنوز والتاريخ بيهون علينا!! هى دى وصية نبينا؟! *************** ربنا فى كتابه سمى الكنانة لأرضها وكل روح تجيها سالمة النيل بيسرى فى نبضها مصر من عهد الجدود .. وهى زينة الوجود وباقية ع الأرواح أمينة وسالمة بوصية نبينا *************** بالمداولة فى أمردولة نلقاه بحكمةإتحسم مصر تعلى بوحدة كاملة لشعبها اللى إنقسم وحدوا تانى الصفوف .. مصر تتحدى الظروف وتعودلنا عروسة بزينة هى دى وصية نبينا ********************************