صورة ذهنية لفتى أحلامها الذى لم تصادفه بعد . يا اللى عمرى ف يوم ما شُفتَك بس أنا بقلبى عرفتَك من زمان برسم فى شكلَك نفسى ييجى يوم ما أقابلك . *********** فى كتير شفته و عرفته بس مافيهومش اللى احبه لسه بستنّاك تجينى يا اللى ادوب فى هواك و أحبك . *********** صورة برسمها ف خيالى مش هقول إنك مثالى بس بعيوبك عاجبنى بعشقك و بموت فى حبك . ********** فيك شهامة و ذوق و مجدع فى الكلام عمرك ما ترجع بس أوقات لما تغضب تاخد اللى يكون فى وشك . *********** فى الجمال مش نجم سيما بس تقاطيعك وسيمة و ف عيونك سحر يقتل و العيون دايبة ف شياكتك . ************ عامل ايه ازّى حالك ؟ إيه اللى شاغلك إيه فى بالك ؟ شُفتنى مرة ف خيالك زى ما كتير شُفت صورتك ؟ ************ آه لو أعرف فين مكانك مين قرايبك مين جيرانك لو ف آخر الدنيا ساكن قوللى فين أنت و أروحلك . ************ بكرة نتقابل فى صدفة صدفة حسّاها و شايفة هعرفك و هقول يا عمرى خُد حياتى وعمرى ملكك .