وإيه اللى فيكى اتغير كنا فاكرين هايطلع عليكى نهار وترتاحى بعد الصبر وطول الانتظار وقفنا وقولنا بأيدنا هايكون الاختيار مرت سنة هو يا بلدى نفس الذل هو نفس المرار وناس مش فاهمة وهاتغرقنا وبأيدها القرار والشعب بين معارضة وإخوان بات محتار والمية يوم صاروا سنة والاقتصاد فى انهيار مرت سنة الأولة دين من دول شايفة فى مد إيدينا ليها رد اعتبار والتانية هايبعوكى يا بلدى بصكوك وبأرخص الأسعار والتالتة سد النهضة اللى جاى عليكى بالخراب والدمار والرابعة انقسم شعبك بين تجرد وتمرد وربنا الستار مرت سنة وضاع دم شهيدك اللى وقف للظلم وثار وأمه وقفت مكانه شيلة صورته فى حزن وجواها انكسار مستنية النور يبان مستنية يكمل المشوار مرت سنة بس لازم بعدها يطلع عليكى نهار