خدلك دش واعمل لدماغك ريفرش وانزل شوف حالك متعيش علشان مش ناقص صدمات عارفك متنرفز مضايق حافظك لا مركز ولا طايق طب ما هو كله أكيد مش رايق مبنخلصشى من الأزمات أصل الغلطة كانت غلطتنا معرفناش نحسب حسبتنا واحنا اللى اخترنا وآيدنا وادينا دخلنا ف مغارات يبقى المفروض بقى نستحمل علشان احنا اللى بنستهبل اسكت واقفل بوقك يا تودينا المعتقلات حروق الإنسان فين هى حقوق الإنسان اللى بيتكلموا دى عليها فى فلسطين ولا ف لبنان ولا ف سوريا وباكستان ازاى فاهمنها الجدعان استهبال بيدور حواليها أصل قالولنا ابائنا زمان عن مفهومها الصح تمام من أساسيتها الحقيقية حرية وعدالة وسلام مش بردوا ابائنا مغلطوش ودى هى حقوق الإنسان عايزين نعرف بقى دلوقتى ازاى فاهمنها الجدعان! فاهمنها بالطول والعرض اذى وخراب ودمار ع الأرض فاهمنها بسلاح وبدم وشعوب بسببهم تتسم فاهمنها ازاى ولا بكام ما خلاص علشانهم اتغير اسمها لحروق الإنسان