شهدت محكمة جنايات شمال القاهرة، المنعقدة بأكاديمية الشرطة لنظر جلسة محاكمة المتهمين في قضية هروب سجناء من سجن وادي النطرون، اليوم الأربعاء، حوارًا بين الرئيس المعزول محمد مرسي، والمستشار شعبان الشامي، رئيس المحكمة.. وفي البداية، اعترض المعزول على عدم سماعه حديث القاضي، وهو في قفص الاتهام، فرد القاضي عليه: "طيب مانت سامعني دلوقتي أهو". وأضاف مرسي: "سيادتك.. أنا بقالي أكثر من ثلث ساعة بحاول أوصل صوتي لمعاليكم علشان تقفلوا التكييف، ولكن دون جدوى، كمان الدنيا هنا تلج.. وأنا عايز أدخل الحمام.. ماينفعش كده.. أنا رئيس الجمهورية". فرد عليه القاضي: "لا أنت المتهم محمد مرسي الموجود أدامي هنا في القضية بتاعتي"، فأجابه مرسي: "أنت تفعل ماشئت وتقول ماشئت أنت حر.. أنا من حقي إني أتواصل معاك أسمعك وتسمعني.. وأنا ما شوفتكش كويس غير في التليفزيون". ثم استكملا الحوار كالآتي: القاضي: أنا سامعك كويس مرسي: أرجوك لا تغضب ياسيدي.. القاضي: المحكمة لا تغضب ولكنها تطبق القانون. مرسي: أحكام كده على طول ما ينفعش ؟؟ القاضي: أنتم كسرتوا قواعد الأحكام الجنائية والمحكمة اتخذت اللازم.
