أطلقوا عليه "سبونج بوب" فى الفضاء الافتراضى لا حواجز تمنع الساخرين والمضحكاتية من السخرية من أى شىء وكل شىء.. هنا نرصد قفشاتهم ونكاتهم وآراءهم الجريئة اللاذعة. البرادعي خلاص اتقفل عليه الزمبيل للأبد.. على غرار برنامج المقالب الشهير "رامز عنخ آمون".. الشباب سخروا من البرادعي بعد هروبه من منصبه.. أنصاره الذين أطلقوا عليه اسم ال "بوب" قرروا أن يستبدلوه ب"سبونج بوب" الشخصية الكرتونية الشهيرة، "فيتو كافيه" رصدت التعليقات.. نفرتيتى أحمس: البرادعى مات سياسيا وانتهى أسطوريا.. أحمد هوجان: البرادعى خلاص اتقفل عليه الزمبيل للأبد.. سارة شعبان: ده مطلعش بوب ده طلع سبونج بوب.. عبده الوزيري: الجرى نص الجدعنة يا منى.. هبة حمدي: انت طلعت راجل كبيرك تويتة.. خالد العدلي: نوّرتنا الشوية دول ياعم الحاج.. اركن على جنب شوية لحد ما الدنيا تهدى بقى.. محمد العطار: كلكم مستنيين تعليقي على البرادعى ؟! طيب حاضر.. البرادعى طلع طرى وضعيف.. قول اللى عايز تقوله بس متخونوش ولا تقول عليه عميل.. تقدر تقول عليه عديم المسئولية.. أحمد سالم: "مصر القوية": البرادعي يتعرض لحملة «تشويه مسعورة» من فلول الحزب الوطني.. مصر القوية بيدافع عن البرادعى إزاى؟ نهى هشام: أصلوا طلع زى أبو الفتوح مكس، توأم ملتصق.. هههههه.. ريم أحمد: لما أبو الفتوح وحزبه يدافعوا عن البرادعي الطري.. مستني تشوف إيه أكتر من كدا.. والله تتساقط الأقنعة وقت الشدة.. هنا إبراهيم: كل يوم يكشف لينا من هو الوطني بجد.. ومن يسعي لمصلحة شخصية.. الرجال فقط من سيظلون يدافعون عن أرضهم لآخر قطرة دم.. مينا سمير: للأسف البرادعي خذلنا وسلمنا للمجتمع الدولي تسليم أهالي.. أحمد الهواري: المشكلة أن الإخوان كانت بتهزأه ومش طايقاه..يطلع هو الوحيد اللي كان خايف على مصلحتهم..والله مهزلة. ميدو محمد: العبرة بالنهاية والأيام حتثبت أن البرادعى كان على حق كالعادة..