وقالت الصناديق للدين نعم.. تصريح تخيل الشباب أن يصدر عن الدكتور محمد البرادعي بعد أن استشهد بآية قرآنية في آخر تويتة له، وبعدها نشر صوره في صلاة العيد، حالة من الجدل سادت "فيس بوك" حول البرادعي المتردد دائما، فالبعض رأى أنه لا يصلح إلا في لجان "حموم الإنسان" بينما رأى الفريق الآخر أن البرادعي في طريقه للأخونة، فماذا قال الشباب.. باسم قناوي: إمبارح البرادعي بيستشهد بآية قرآنية في تويتة.. والنهاردة الصبح بيصلى العيد.. خايف كمان يومين يقول لك وقالت الصناديق للدين نعمممم.. علاء الدين: لا لأخونة البرادعي.. سارة محمود: البرادعي صلى العيد؟؟؟.. الإسلام دخل مصر أخيرا.. يااااه.. الحمد لله.. أمير ممدوح: إمبارح البرادعي بيستشهد بآية قرآنية في تويتة.. والنهاردة الصبح بيصلي صلاة العيد.. أنا خايف بعد كده يروح المولد مع الدراويش.. محمود الصاوي: الإخوان بتقول مينفعش نرحل.. توكل كرمان برة مصر لأنها واخدة جايزة نوبل.. ده على أساس إن البرادعي اللي بتشتموه واخد جايزة أحسن لاعب في أفريقيا؟ حبيبة حسن ربيع: البرادعي والفلول 2011: بيأجر بلطجية يناموا في التحرير ويجيب لهم كنتاكي.. البرادعي والفلول 2011: بيأجر بلطجية ضد المجلس العسكري.. البرادعي والإخوان 2012: بيأجر بلطجية ضد مرسي والإخوان.. البرادعي والفلول 2013: مش عايز يفض اعتصام الإخوان بالقوة.. البرادعي والإخوان 2013: هو السبب في دماء الإخوان.. اغضب يا بوب.. عصام سليم: بدأت ثقتي فيه تنهز.. ده موش مطلعش رجل دولة خالص.. ده آخره "حموم الإنسان"..