قطع الكهرباء، تصدر هاشتاج "قطع الكهرباء" تريند مصر عبر مواقع التواصل الاجتماعي، ومؤشر البحث الأكثر شهرة "جوجل"، وخاصة بعد زيادة عدد ساعات قطع الكهرباء إلى 3 ساعات، الأمر الذي شغل بال المصريين، ودفعهم لتوجيه العديد من الرسائل للحكومة. زيادة ساعات قطع الكهرباء يثير مخاوف المصريين وأثار زيادة ساعات قطع الكهرباء مخاوف المصريين، وحكى بعضهم عما وقع لهم من أحداث وصفوها بالسيئة، والتي تسبب فيها قطع الكهرباء في المواعيد غير المقررة، ولم يتم إدراجها في جدول تخفيف الأحمال. حكي الناشط خالد نمرو 2120 عن حكاية سيئة وقعت له بسبب قطع الكهرباء، فقال: "قصة أسوأ ساعتين ونص مرو عليا في حياتي، أمس كنت رايح أعزي واحد صاحبي... كلمته قلتله انا جايلك... والنور عندك بيقطع كام ؟... قاللي من 3-5 تمام لغاية كده..". وتابع خالد نمرو حكايته "رحت له على اتنين إلا ربع... ركبت الأسانسير ملحوظة "كابينة الأسانسير ضيقة جدا وخنقة لوحدها..." عنده أول دورين مفيش فيهم باب... حيطة بس... يادوب طلع من الأرضي وفي نص الحيطة النور قطع... مفيش باب اخبط عليه ولا حارس تحت... والدنيا حر ورطوبة وكتمة نفس غير طبيعية...". حكايات مرعبة لقطع الكهرباء وقال خالد "والأسوأ أن التليفون كان بيفصل علشان الشحن... بقت حر ورطوبة وخنقة وضلمة كمان قعدت على الأرض نفسي رايح مني والعرق مغرقني... بالمناسبة انا عندي فوبيا الأماكن الضيقة كمان... وقعدت الساعتين ونص دول بموت حرفيا جوا الأسانسير.... ولما عادت الكهرباء تشاهدت عن حق"، ووجه سؤال لرئاسة الوزراء "سؤالي للحكومة يرضي مين اللي حصل ده؟" أما الناشطة ناني فعبرت عن غضبها قائلة: "يعني الواحد عنده امتحان أون لاين وقت قطع الكهرباء الجديد... أنا مش فاهمة يعني هو دة طبيعي إننا نقعد ندور على أماكن فيها نور أو شبكة عشان نعرف نحل؟ وإزاي هركز في حل امتحان وأنا قاعدة في كافيه؟ مش مجبرة أدور على حلول بجد! شكرًا يا حكومة..." أما البلوجر آلاء أبو عطا فقالت حكايتها مع قطع الكهرباء: "الحمدلله الأسانسير وقف عند مكان يعرفوا يطلعوني منه كان زماني ميتة من ضيق التنفس دلوقت والله مش مصدقة إني لسه عايشة... تخفيف الأحمال فضحتني في العمارة أصبح اسمي آلاء العيوطة تجربة متمنهاش لألد أعدائي والله... بجد بكيت كثيرًا لأني أخاف من الظلمة وعندي فوبيا من الأماكن الضيقة وكان جوايا خوف أن الأسانسير يقع بيا لتحت مكنتش عارفه أخد نفسي... وما بحبش حد يشوفني في وقت ضعفي..." البحث عن أماكن للمذاكرة ورسائل للحكومة بسبب قطع الكهرباء وعلقت البلوجر أشرقت أيمن عن قطع الكهرباء فقالت: "أنا مش متخيلة إني كواحدة عندها مشكلة مع الأماكن المغلقة اتحبس 3 ساعات في أسانسير أو أن حد عنده مشكلة في التنفس... بجد قطع الكهرباء دا كارثة ممكن بسببها ناس لاقدر الله تموت". ووجهت البلوجر هبة سعد رسالة للحكومة عن انقطاع الكهرباء فقالت: "ابتديتم تغيروا المواعيد ومن غير ما تقولوا.. والناس بقت عايشة في رعب النور يقطع وفرد من أهلهم أو هم يتحبسوا في الأسانسيرات.. الناس بقت تكلم وخايفة حد يموت في الأسانسيرات بسبب قطع الكهرباء.. أنا بأتكلم بشكل عام.. والمواعيد بتتغير من غير ما نعرف.. يعنى كانت 3 بقت 6 مرة واحدة.. الواحد بقى يخاف يستعمل الأسانسير في أي وقت لتغيروا المواعيد فجأة.. طبعا" ده غير إننا بنسجل اعتراضنا على قطع الكهرباء أساسا". وقال الناشط عادل قطب "قطع الكهرباء المتكرر أضر الأجهزة فهل تتحمل الحكومة الخسائر". علق الناشط عصام خلاف فقال: "قطع الكهرباء يكلف الدولة أكثر من ثمن الوقود تعطيل العمل نفور السياح نفور المستثمرين مشاكل للمرضى...إلخ...". أما الناشطة دينا فقالت: "عدد الناس اللي بتموت على الطرق نتيجة قطع الكهرباء الدائم عنها كثير... عندنا حوادث كثير ولا أحد يهتم". وحكى محمد طه سليمان عن تجربته مع قطع الكهرباء فقال: "الكهرباء فصلت من يومين عندنا من الساعة 9 صباحا حتى 3 عصرا ولما نسأل يقولوا عطل طيب أوك طب ايه السبب في قطع الكهرباء محدش عارف يجاوب". الحلفاوي يثير الجدل بشأن قطع الكهرباء، والنشطاء: الناس اتحبست في الأسانسيرات والطلبة بتمتحن بعد لجوئها لتخفيف الأحمال، خطوة غير مسبوقة من مواطني الكويت لمواجهة قطع الكهرباء ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
