لطيفة، أكدت الفنانة التونسية لطيفة، أنها تعرضت للنصب مرات كثيرة، قائلة: "اتنصب عليا كتير، ومفيش نصباية طريفة خالص كلهم خراب بيوت بس سلمت أمري لله ودايما بقول حسبي الله ونعم الوكيل". تعرض لطيفة لعمليات نصب وأضافت خلال الجزء الثاني من لقائها ببرنامج "معكم" الذي تقدمه الإعلامية منى الشاذلي بقناة "سي بي سي":"عمليات النصب اللى اتعرضت لها كانت في الحياة الخاصة والحفلات".
سر لطيفة ولفتت لطيفة:"خبيت سر علي أمي ولحد دلوقتي هي متعرفش بس حاجات بريئة بس البعد عنها أسلم طريقة".
لطيفة خلال فترة الكورونا وأشارت:"أيام الكورونا أختي كانت مسافرة بتعمل عملية علي كتفها وأنا كنت لوحدي مع ماما و3 بنات في البيت وعمري ما دخلت المطبخ قبلها ولا طبخت وكنت ادخل اغني وانسى الطبخ، ولما اتزنقت في فترة كورونا كنت مرعوبة علي أمي ان ينتقل لها الفيروس فمكناش بنطلب أكل أو أي شيء من برة علشان خايفين عليها، وقتها عشت صدمة الطبخ ودخول المطبخ بس اقسم بالله العلي العظيم فات أول يوم طبخت الشوربة والطاجين التونسي وفراخ وبطاطس في الفرن وبعدها بيومين اكتشفت نفسي طباخة شاطرة بدون الرجوع ليوتيوب أو اتعلم من أي حد".
فنكوش جهاز الرياضة ولفتت:"حصل اني طلبت جهاز رياضة وطلع فنكوش ورجعناه وجبنا واحد تاني، ومرة غنيت أغنية ووجهتها لشخص بعينه".
لطيفة عن عدم غنائها في الأفراح والكابريهات: تربيتي تمنعني وأمي كانت خايفة عليا (فيديو) لطيفة: بعت عربيتي علشان أصدر ألبومي الأول وهذه قصة أغنية "أرجوك اوعى تغير" (فيديو)
في نفس اللقاء قالت الفنانة لطيفة: "تجربة فيلم سكوت هنصور، كانت حلوة ومن أحسن التجارب اللي خضتها، وفيه عباقرة تعاملت معاهم كانوا شبه بعض مثل يوسف شاهين وفاتن حمامة وزياد الرحباني، وفي تعاملهم من أبسط الناس".
زيارة لطيفة لفيروز
وتابعت: "كنت محظوظة إني زرت العظيمة فيروز في بيتها ولقيتها في منتهى البساطة والذوق واستقبلتني وهذرت معايا ونصحتني، وانا تعلمت من الناس دي".
كواليس يوسف شاهين مع لطيفة
وأضافت لطيفة: "فيلم سكوت هنصور القصة بتدور حول مطربة مشهورة وبيتنصب وبيتضحك عليها، وما كانش سني يعطي إن روبي تبقى بنتي، بس ما كانش فيه عقبة، وكان اللي هيقول لي عليه يوسف شاهين هعمله، يوسف شاهين قال لي فيه مشاهد ما تحطيش مكياج ويدخل للماكييرة الفرنساوية يقولها ما تخلهاش تطلع حلوة وأنا كل حاجة كان بيقولها كنت بنفذها".
مشهد جريء رفضته لطيفة في فيلم سكوت هنصور وأكدت: "رفضت مشهدا جريئا في فيلم سكوت هنصور، كان اتطلب مني حاجة وأنا رفضت من الأول إني مش هعملها فجاني يوسف شاهين بعدها، المشهد الجريء ما كانش محطوط في السيناريو وتم استحداثه قدام الكاميرا وقتها قلت: ستوب مش هعمله. وخرجت من مكان التصوير وجالي خالد يوسف قلت له: مش هعمله وهديكوا الأغاني هدية وأنا بنسحب من العمل علشان المشهد بعدها الأستاذ يوسف زعل وقال فركش تصوير وبعدها جاني وقال لي: أنتِ عارفة إني أصريت تعملي المشهد علشان شايف فيكِ فنانة ما شُفتهاش من سنوات بس في الآخر ما عملتش المشهد واللي وقف معايا في الموقف دا كان الفنان أحمد وفيق وقال لهم هي قالت لكم من الأول مش هتعمل المشهد ده من الأول ومش هتعمل مشهد القبلات وفعلًا عملنا الفيلم من غير القبلات". رد فعل والدة لطيفة على فيلم سكوت هنصور
وأشارت: "أمي انبسطت من الفيلم أول لما اتعرض وقبلتني وقالت لي: يا روحي. وكانت فرحانة من العمل لما اتعرض في تونس". ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.
