تامر عاشور، قال المطرب تامر عاشور: "لا أتمنى دخول ابنتي عالم الفن، رغم أنها تغني منذ الصغر لكن أرفض أن تكون مطربة مثل والدها". موقف تامر عاشور من دخول ابنته عالم الفن وأضاف خلال الجزء الثاني من لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "لو بنتي عايزة تبقى ممثلة أو مطربة مش هوافق، دي تبقى موهبة لكن هي يبقى ليها خطها ومستقبلها بعيدًا عن الفن". مشكلة الوسط الفني من وجهة نظر تامر عاشور وتابع تامر عاشور: "الاختيار في النهاية لبنتي لكن أنا هبقى رافض إنها تبقى قنانة لأن الوسط له متاعب كتيرة أوي إنك تسهر وتسيب دراستك، ولو خلصت دراستها وأخدت الشهادة وبدأت تفكر في موضوع الاحتراف ساعتها نبقى نشوف، لكني همنعها لو عايزة تبقى مطربة خوفًا عليها لأنها بنت ولو ولد هسيبه ولو هيغني في الأفراح".
حقيقة عودة تامر عاشور لزوجته بعد إعلان انفصاله عنها تامر عاشور: قريبا هعمل دويتو مع الهضبة وهاجمت عمرو مصطفى لأنه مش شايف حد ونصب نفسه إله للفن في الجزء الأول من نفس اللقاء، قال المطرب تامر عاشور: "اشتغلت مع عمرو دياب أغنية واحدة بس وما اتكررش التعاون تاني، رغم إننا اتقابلنا تاني وقال لي عايزين نشتغل تاني قلت ده نفسي وإن شاء الله نجهز حاجة والشغل معاه شرف ونفسي اشتغل معاه". وتابع: "قريب هيكون فيه دويتو مع الهضبة وحاليًّا شغال على أغنية بس لسه ما سمعهاش بس أنا متأكد إنها هتعجبه".
أزمة عمرو مصطفى مع المطربين وأضاف خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "هاجمت عمرو مصطفى لإنه شايف كل اللي فاتوا مش ناجحين وكل اللي عملوا أغاني قبل كدا مش ناجحين وكل اللي هيعملوا أغاني بعد كدا مش ناجحين وعلشان كدا رديت عليه لأ فيه ناس ناجحين".
بدعة عمرو مصطفى واستطرد: "ما ينفعش عمرو مصطفى يطلع يقول على كل اللي في بلده مش ناجحين مش علشان ليك مشكلة مع شخص تقول كل اللي في بلدك مش ناجحين، ينتقدني زي ما هو عايز ويقول حفلاته وأغانيه مش ناجحة وما بيغنيش غير دراما بس عادي إنما يقول ما حدش بيدوق النجاح غير من على جيتار عمرو مصطفى دي بدعة، أنا ما ينفعش أنصَّب نفسي إله للفن". موقف تامر عاشور من التعاون مع عمرو مصطفى وأكمل: "أنا بحب عمرو مصطفى وبحب فنه وتأثرت بفنه ولكن هو كمان لازم يبقى عارف إن فيه ناس بتسمعه وناس بتحبه وبتسمع كلامه ما ينفعش كل لما يتكلم يخلي منظرنا وحش، أنا لو جات لي فرصة معاه حالًا هشتغل لإنه فنان كبير وتاريخه كبير، هو بقاله 8 سنين بيقول إنه مش هيلحن لحد بس أنا شايفه أطيب من كده هو ليه موقف مع شخص واحد ما ينفعش يبقى ناقم مع كل المطربين الرجال، موقفه من عمرو دياب يخصه مليش علاقة به".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.
