أكد المطرب المعتزل خالد الفايد انتهاء أزمته مع هاني محروس، إثر تصريحات أدلى بها الفايد، يتهم فيها المنتج هاني محروس بأنه يهدده بعد اعتزاله الغناء. خالد الفايد: ربنا يهدي زوجة هاني محروس وقال الفايد في تصريحات خاصة لفيتو: "أزمتي مع هاني محروس انتهت بعد تدخل شقيقي الأكبر، والخلاف انتهي بيني وبينه، وبالنسبة لهجوم زوجته علي فربنا يهديها". خالد الفايد: أنا مش شيخ وعن لقب "الشيخ"، الذي أصبح يطلق عليه خلال الفترة الأخيرة، قال الفايد: "أنا ولا شيخ ولا حاجة كل اللي عملته إني بطلت غناء فقط". خالد الفايد: اللي داق حلاوة الإيمان عمره ما يرجع للفن يذكر أن المطرب المعتزل خالد الفايد نجم "ذا فيوس"، قال في وقت سابق، إنه لن يتراجع عن قرار اعتزاله للغناء، معقبًا: "اللي داق حلاوة الإيمان عمره ما يرجع للفن تاني". خالد الفايد يكشف عن تلقيه تهديدات من هاني محروس وكشف "الفايد" عن تلقيه تهديدات من المنتج والموزع الموسيقي هاني محروس، قائلًا في تصريح سابق ل"فيتو": "هاني محروس هددني وهدد أهلي بعد ما اعتزلت الفن". زوجة هاني محروس ترد على تصريحات الفايد وفي وقت سابق دخلت عفاف جريس، زوجة المنتج ومهندس الصوت هاني محروس، على خط أزمة تصريحات خالد الفايد الأخيرة، بشأن تعرضه للتهديد من قبل زوجها، بعد اعتزاله الغناء لأنه كان ملتزمًا معه بعقد وشرط جزائي ولم يلتزم بالمدة المحددة بالعقد. عفاف جريس تكشف تفاصيل عقد خالد الفايد مع هاني محروس
وكتبت عفاف جريس منشورا عبر حسابها الشخصي بموقع فيس بوك، كشفت من خلاله العديد من التفاصيل حول علاقة هاني محروس بخالد الفايد، قائلة: بما إن الموضوع انتشر وهاني محرج علينا إننا مانتكلمش، بس أنا مش هقدر لأن الكلام ده كبير ودخل في الديانات. وتابعت عفاف جريس: خالد الفايد إنت قبل ما تعتزل بنص ساعة كنت عايز عقدك إنت ومامتك وخالك، علشان زعلان من هاني إنه أول مرة يزعقلك علشان بتنزل بوستات هبلة وبيقولك إنت مشروع نجم لازم تاخد بالك من تصرفاتك وفيديوهاتك. واستكملت عفاف جريس: هاني محروس ده اللي قعدك في بيته في القاهرة سنتين و24 ساعة قاعد في الاستوديو معاه ومع فنانين مصر كلهم واعتبرك ابنه. واصلت عفاف جريس حديثها قائلة: شهادة حق اتحاسب عليها قدام ربنا، خالد كان عايز العقد علشان يشتغل لوحده ويبعد عن هاني، مش علشان يعتزل خالص ولما هاني قال لمامته أنا عامله ألبوم وصارف عليه يمشي إزاي، لقي الدنيا مقفولة في وشه، وطلع من الاستوديو كتب الكلمتين دول عنده على فيس بوك، وقال مش عايز حاجة من الدنيا، ومش عايز الفن والكلام اللي كتبه اتفهم أنه اعتزل، وفي نص ساعة بقي مصر كلها بتدعيله بالهداية وطبعا دي الحاجة الوحيدة اللي مايقدرش يعترض عليها. عفاف جريس: هاني محروس ابن أصول ومش بنهدد خالد الفايد واختتمت عفاف جريس حديثها قائلة: يعني من الآخر بوست صغير منه حكم على نفسه إنه أنهى طريق لسة ما بدأش فيه أصلا، وإحنا قلنا كعيلة مسيحية كل صحابنا وحبايبنا مسلمين أكيد ربنا كان كاتبله كده وربنا يعوض علينا الفلوس اللي اتصرفت عليه، وهو عيل صغير ويشيل شيلته ونسيناه خالص ولا بنهدده ولا فاكرينه أصلا، هاني محروس ابن أصول مفيش أجدع ولا أرجل ولا أكرم منه والدنيا كلها تشهد بده مش أنا بس. ----------------------------------------- ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
