قالت الفنانة مي سليم: "لاعب في النادي الأهلي هداف كان عايز يتجوزني بس رفضته لأنه أصغر مني ب10 سنين". مفاجأة تفجرها مي سليم عن هداف النادي الأهلي وتابعت خلال لقائها ببرنامج "العرافة" المذاع علي قناة "المحور": "القريبين مني هما بس اللي عارفين إن فيه لاعب في النادي الأهلي هداف كان عايز يتجوزني وأنا رفضت". مي سليم تكشف سر رفضها الزواج من هداف النادي الأهلي ولفتت مي سليم: "شُفت إن ما ينفعش أرتبط بلاعب النادي الأهلي مش علشان بس هو أصغر مني ولكن فيها حاجات تانية خلتني موافقش على الزواج منه، ومش هقول اسمه". مي سليم: اتجوزت مرتين ومستعدة للتالتة علشان زهقت من الوحدة (فيديو) ظهور جذاب ل مي سليم وابنتها لي لي في نفس اللقاء، قالت الفنانة مي سليم: "اتجوزت مرتين ودلوقتِ أنا مستعدة للجوازة التالتة ولو فيه عريس موافقة بيه لإني خلاص زهقت من الوحدة".
معاناة مي سليم من الوحدة وتابعت: "قعدت فترة طويلة جدًّا مش عايزة أتجوز لكن خلاص دلوقتِ عندي الرغبة".
سر الزيجة الأولى لمي سليم ولفتت مي سليم: "ما كنتش عايزة أنفصل من جوزي الأول أبو بنتي لأنه كان حنين عليَّ جدًّا بالرغم إني خلعته في الآخر، أبويا مات وأنا صغيرة وعمري 40 يوم وطول عمري شايفة أمي لوحدها دا أمر كان بيضايقني جدًّا واحنا كنا 4 بنات وولد، وأخويا كان شايل همنا على طول ولما كبر اضطر يسافر برة وكنت بحس إننا محتاجين سند لإني عشت دور الراجل والست كتير وزهقت منه وعلشان كدا كنت عايزة أتجوز واحد أكمل معاه حياتي وأحس إنه مالي عليَّ دنيتي".
بكاء مي سليم وتابعت باكية: "ما كانش نفسي أنفصل في المرة الأولى ولا الثانية وكان نفسي يبقى معايا السند والضهر وأكره الانفصال لأنه صعب ومسؤولية كبيرة وأنا تعبت وشقيت واشتغلت كتير ولما انفصلت في المرة الأولى ما كانش معايا 20 ألف جنيه، واضطريت إني أنقل من الغناء للتمثيل".
أسرة مي سليم ورغبتها في الزواج وأكملت: "أنا من غير أمي وإخواتي لا أسوى شيء وأكتر ناس وقفوا جنبي، أنا مش من الستات اللي بتتجوز علشان تنفصل، وبجد بقى نفسي أتجوز للمرة التالتة وتكون آخر جوازة والراجل يراعي ربنا فيَّ".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
